Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
110
 
- 
транспорт-логистика тизимини ривожлантириш, ҳудудлараро меҳнат 
миграциясини амалга ошиши учун зарурий шароитлар яратиш; 
- 
асосий истеъмол товарлари (озиқ-овқат, кийим-кечак ва поябзал, 
маиший техника, тозалаш ва ювиш воситалари, шахсий гигиена 
воситалари), қурилиш материаллари ва бошқа маҳсулотларни божхона 
баҳолаш ва расмийлаштиришнинг (истисносиз) ягона тартибини белгилаш, 
шунингдек шаффофликни таъминлаш чораларини кўриш муҳим аҳамият 
касб этади. 
Кенг қамровли таркибий ислоҳотларни амалга оширишда иқтисодий 
агентларнинг инфляцион кутилмаларини барқарорлаштириш муҳим ўрин 
тутади. Бунда, иқтисодий кўрсаткичларнинг кейинги ўзгаришлари, 
кутилаётган натижалари ва прогнозлари ҳақидаги маълумотларнинг 
шаффофлигини ошириш, асосли ва объективлигини таъминлаш долзарб 
ҳисобланади.
Бундан ташқари, экспорт ва импорт соҳаларида белгиланган 
қоидалар, талаблар ва уларда кутилаётган ўзгаришлар, бюджет камомади 
ҳамда иқтисодий фаолиятни тартибга солиш, шунингдек, солиққа тортиш 
бўйича иқтисодий агентларни хабардор қилиш ҳам инфляцион 
кутилмаларни барқарорлаштирувчи омил ҳисобланади. 
Учинчи гуруҳга – 
истеъмол товарлари ва хизматларида айрим 
гуруҳларнинг нархлари динамикасидаги ўзгарувчан, бир марталик ёки 
мавсумий характерига эга бўлган омиллар киради. Ушбу номонетар 
омиллар таъсирини ва тебранувчанлигини камайтириш умумий инфляция 
даражаси ҳамда инфляцион кутилмаларга ижобий таъсир кўрсатади. 
Сўнгги йилларда 
озиқ-овқат инфляцияси 
асосан мева ва 
сабзавотлар, гўшт маҳсулотлари, шакар, ўсимлик ёғи ҳамда дон 
маҳсулотлари нархларининг ошиши билан боғлиқ бўлди. Ушбу товар гуруҳи 
нархлари 
даражасининг 
сезиларли 
ўзгаришига 
мева-сабзавот 
маҳсулотларининг мавсумий характерга эга эканлиги, ташқи савдо 
шароитлари ҳамда товарлар импортида мавжуд божхона тўловлари, тариф, 
нотариф ва маъмурий чекловлар билан изоҳлаш мумкин. 
Хусусан, 2020 йилнинг дастлабки ойларидан пандемиянинг дунё 
бўйлаб кенг тарқалиши натижасида кўплаб давлатларда карантин 
чоралари кучайтириб борилди. Бунинг натижасида, халқаро товар 
айирбошлаш ва логистика масалаларида узилишлар юзага келди. 
Шунингдек, карантин даврида асосий озиқ-овқат маҳсулотлари, хусусан, 
гўшт, буғдой, ёғ, шакар ва ун маҳсулотларига талабнинг ортиши ушбу 
товарлар импортининг маълум даражада қисқаришига олиб келди.

---