Ўзбекистон Республикаси Конституциясига ўзгартиришлар киритиш учун таклиф

Ўзбекистон Республикаси Конституциясига ўзгартиришлар киритиш учун таклиф

4-модда.
Ўзбекистон Республикасининг давлат тили ўзбек тилидир.
Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таъминлайди, уларнинг ривожланиши учун шароит яратади.
Бу модданинг таъсир кучини ошириш учун уни қуйидагича ўзгартириш таклиф этилади:
4-модда.
Ўзбекистон Республикасининг давлат тили ўзбек тилидир.
Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таъминлайди, уларнинг ривожланиши учун шароит яратади.
Шунингдек, ўзбек тилини билмайдиган фуқароларга давлат ташкилотларида ишлашга рухсат этилмайди ҳамда хорижий тилларни билмайдиган Ўзбекистон Республикаси фуқаролари камситилмайди ва барча имтиёзлардан тенг миқдорда фойдаланадилар



Ўзбекистон Республикаси Конституциясига ўзгартиришлар киритиш учун таклиф

5-модда.
Ўзбекистон Республикаси қонун билан тасдиқланадиган ўз давлат рамзлари — байроғи, герби ва мадҳиясига эга.

Бу модданинг таъсир кучини ошириш учун уни қуйидагича ўзгартириш таклиф этилади:

5-модда.
Ўзбекистон Республикаси қонун билан тасдиқланадиган ўз давлат рамзлари — байроғи, герби, мадҳияси ва миллий валютаси (сўм) га эга.





Ўзбекистон Республикаси Конституциясига ўзгартиришлар киритиш учун таклиф


28-модда.
Ўзбекистон Республикаси Фуқароси Республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга. Қонунда белгиланган чеклашлар бундан мустаснодир.

Бу модданинг таъсир кучини ошириш учун уни қуйидагича ўзгартириш таклиф этилади:

28-модда.
Ўзбекистон Республикаси Фуқароси Республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга.
Ҳеч қайси бир ҳудудга алоҳида бир имтиёз ва переференциялар тақдим этилмайди.
Қонунда белгиланган чеклашлар бундан мустаснодир.