Ўзбекистон Республикаси Конституциясига ўзгартиришлар киритиш учун таклиф

Ўзбекистон Республикаси Конституциясига ўзгартиришлар киритиш учун таклиф

5-модда.
Ўзбекистон Республикаси қонун билан тасдиқланадиган ўз давлат рамзлари — байроғи, герби ва мадҳиясига эга.

Бу модданинг таъсир кучини ошириш учун уни қуйидагича ўзгартириш таклиф этилади:

5-модда.
Ўзбекистон Республикаси қонун билан тасдиқланадиган ўз давлат рамзлари — байроғи, герби, мадҳияси ва миллий валютаси (сўм) га эга.


Ўзбекистон Республикаси Конституциясига ўзгартиришлар киритиш учун таклиф

28-модда.
Ўзбекистон Республикаси Фуқароси Республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга. Қонунда белгиланган чеклашлар бундан мустаснодир.

Бу модданинг таъсир кучини ошириш учун уни қуйидагича ўзгартириш таклиф этилади:
28-модда.
Ўзбекистон Республикаси Фуқароси Республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга.
Ҳеч қайси бир ҳудудга алоҳида бир имтиёз ва переференциялар тақдим этилмайди.
Қонунда белгиланган чеклашлар бундан мустаснодир.

Ўзбекистон Республикаси Конституциясига ўзгартиришлар киритиш учун таклиф

37-модда.
Ҳар бир шахс меҳнат қилиш, эркин касб танлаш, адолатли меҳнат шароитларида ишлаш ва қонунда кўрсатилган тартибда ишсизликдан ҳимояланиш ҳуқуқига эгадир.
Суд ҳукми билан тайинланган жазони ўташ тартибидан ёки қонунда кўрсатилган бошқа ҳоллардан ташқари мажбурий меҳнат тақиқланади.

Бу модданинг таъсир кучини ошириш учун уни қуйидагича ўзгартириш таклиф этилади:

37-модда.
Ҳар бир шахс меҳнат қилиш, эркин касб танлаш, адолатли меҳнат шароитларида ишлаш ва қонунда кўрсатилган тартибда ишсизликдан ҳимояланиш ҳуқуқига эгадир.
Расман ишсиз деб топилган Ўзбекистон Республикаси фуқаролари қонун ҳужжатларида белгиланган тартибда ҳеч қандай чекловларсиз ишсизлик нафақасини олишга ҳақлидирлар.
Суд ҳукми билан тайинланган жазони ўташ тартибидан ёки қонунда кўрсатилган бошқа ҳоллардан ташқари мажбурий меҳнат тақиқланади.