Ўзбекистон Республикаси Иқтисодиёт вазирлиги

III.2.2. Ўзбекистон Республикаси Президентининг 2011 йил 29 июлдаги «2011-2013 йилларда саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлашти- ришни янада чуқурлаштириш чора-тадбирлари тўғрисида»ги ПҚ-1590-сонли қарорининг бажарилиши.
2013 йил январь-декабрь ойларида Республика маҳаллийлаштириш дастурига вилоятдан киритилган жами 9 та лойиҳа бўйича маҳсулот ишлаб чиқариш йўлга қўйилиб, 21,2 млрд.сўмлик маҳсулот ишлаб чиқарилган ва белгиланган режа кўрсаткичи 113,1 фоизга бажарилган.
Шундан ҳудудий корхоналар томонидан 17,4 млрд.сўмлик маҳсулот ишлаб чиқарилган ва белгиланган режа кўрсаткичи 102,4 фоизга бажарилган.
Жумладан, ХИИ «Урганч ёғ» ОАЖда 3766,0 млн.сўмлик 2255 тонна олеин ва пальмитин кислотаси ишлаб чиқарилиб, белгиланган режа кўрсаткичи 173,5 фоизга бажарилган.
«Урганч ўт ўриш машиналари заводи» АЖда 792,5 млн.сўмлик 50 дона плуглар ишлаб чиқарилиб, белгиланган режа кўрсаткичи 100 фоизга бажарилган.
«Мини аккумулятор» МЧЖда 4223,4 млн.сўмлик 419,7 минг комп. 6 ст-35MF, 6 ст-55MF, ст-60DIN маркали аккумуляторлар учун моноблоклар ишлаб чиқарилган ва белгиланган режа кўрсаткичи 119,9 фоизга бажарилган.
«Урганч Бахмал» МЧЖда 3990,0 млн.сўмлик 1140 минг п/м бумазин мато (фланель) ишлаб чиқарилган. Корхонада маҳсулотни янгидан ишлаб чиқариш йўлга қўйилганлиги сабабли маҳсулот тўлиқ ўзлаштирилмаганлиги учун белгиланган режа кўрсаткичи 114 фоизга бажарилган.
«Хоразм антикорринвест» ИЧКда жами 857,4 млн.сўмлик 55 тонна «Коррнет» универсал коррозион қопламаси, 45 тонна «Премод» зангни модификацияловчи препарат ва 466,2 тонна қурилиш битуми ишлаб чиқарилган.
«Хоразм Мавера Пласт» қўшма корхонасида 66,6 млн.сўмлик 30,9 минг метр диаметри 16 мм.дан 150 мм.гача пластмасс трубалар ишлаб чиқарилган.
«Ал бейазим электрик» ИЧЭТКда 7509,9 млн.сўмлик 1178 дона трансформатор ва нимстанциялар ишлаб чиқарилган ва белгиланган режа кўрсаткичлари 103,6 фоизга бажарилган.
Ҳисобот даврида иқтисод қилинган валюта миқдори 9,6 млн. АҚШ долларни ташкил қилиб, махаллийлаштириш дастури бўйича вилоятимиз корхоналари томонидан ички бозорга 21,7 млрд.сўмлик маҳсулот етказиб берилган ва 60,0 минг АҚШ долларлик маҳсулот экспорт қилинган.