Ўзбекистон республикаси ҳисоб палатаси

3.3.1
 
Ўзбекистон Республикаси Солиқ кодексининг 17-моддасида 
Ўзбекистон Республикаси ҳудудида амал қиладиган солиқлар турига 
айланмадан олинадиган солиқ
киритилмаган. 
Шу билан бирга, Солиқ кодексининг 18-моддасига асосан “айланмадан 
олинадиган солиқ” махсус солиқ режими сифатида белгиланиб, унда айрим 
солиқларни тўлашдан озод этиш, пасайтирилган солиқ ставкаларини ва бошқа 
солиқ имтиёзларини қўллаш назарда тутилган. 
Бироқ, Солиқ кодексининг 66-бобида айланмадан олинадиган солиқ 
режимида тўланиши озод этилиши, ставкалари пасайтирилиши ва имтиёз 
берилиши белгиланган солиқлар ёритилмасдан, айланмадан олинадиган солиқ 
тури кўрсатилиб, уни ҳисоблаб чиқариш ва тўлаш тартиблари келтирилган. 
Тавсия: 
Юқорида қайд этилганларни инобатга олиб: 
Солиқ кодексининг 17-моддасига “айланмадан олинадиган солиқ”ни 
солиқ тури сифатида
киритиш; 
“айланмадан олинадиган солиқ” солиқ турлари таркибига киритилмаган 
тақдирда, бюджетнинг даромадлари туридан чиқариб ташлаш лозим. 

---

26 
3.3.2
 
Ўзбекистон Республикаси Президентининг 2020 йил 30 декабрдаги 
“Ўзбекистон Республикасининг “2021 йил учун Ўзбекистон Республикасининг 
Давлат бюджети тўғрисида”ги Қонуни ижросини таъминлаш чора-тадбирлари 
тўғрисида”ги ПҚ-4938-сон қарорининг 4-бандига асосан ижтимоий солиқ 
тушумлари
қуйидагича тақсимланади: 
а) бюджет ташкилотлари бўйича: 
бюджетдан ташқари Пенсия жамғармасига - 99,2 фоиз; 
Бандликка кўмаклашиш давлат жамғармасига - 0,4 фоиз; 
Ўзбекистон Касаба уюшмалари федерацияси кенгашига - 0,4 фоиз; 
б) бошқа тўловчилар бўйича: 
бюджетдан ташқари Пенсия жамғармасига - 98,4 фоиз; 
Бандликка кўмаклашиш давлат жамғармасига - 0,8 фоиз; 
Ўзбекистон Касаба уюшмалари федерацияси кенгашига - 0,8 фоиз. 
Ўзбекистон Республикаси Солиқ кодексининг 16-моддасига мувофиқ солиқ 
деганда Ўзбекистон Республикасининг Давлат бюджетига ёки давлат мақсадли 
жамғармасига тўланадиган мажбурий беғараз тўлов тушунилиши қайд этилган.