Ўзбекистон республикаси қишлоқ ва сув хўжалиги вазирлиги тошкент давлат аграр университети шералиев Абдусаид Шералиевич

Ўсимликларнинг поясидаги ўтказувчи тўқималар бактериялар билан касалланганда сўлиш нимадан келиб чиқади?
А.Қопловчи тўқималарнинг зараланишидан.
Б. Ҳосил қилувчи тўқималарнинг зараланишидан.
В. Тўқималарнинг тургор холатининг йўқолишидан.
Г. Асосий тўқималарнинг зараланишидан.
Чириш ўсимликнинг қайси қисмда кузатилади?
А. Туганаклар, мевалар, илдизмеваларда;Б.Баргда, илдизмевада; В.Гулда, туганакларда; Г.Баргда, пўстлоқда.
Шишлар қандай турларга бўлинади?
А.Зарарли шишлар; Б.Зарарсиз шишлар ;В.Ракли ва туберкулёзли шишлар; Г.Турларга бўлинмайди.
V-БОБ


ЎCИМЛИКЛАРНИНГ БАКТЕРИАЛ КАСАЛЛИКЛАРИГА ТАШХИС ҚЎЙИШ УСУЛЛАРИ
Ўсимлик касалликларига ташхис қўйиш диагностика бу касалланган ўсимликнинг ташқи ва ички белгиларига асосан касалликнинг номини аниқлашдир. Ўсимлик касалликлари тўғри аниқланган тақдирда унга қарши кураш чораларини тўғри ташкил қилиш имкони вужудга келади. Ташхис қўйишнинг бир нечта усуллари мавжуд:


Касалликни ташқи белгиларига қараб турини аниқлаш
Ҳар қандай микроорганизм ўзига хос касаллик белгиларини ҳосил қилади. Касалликнинг номини аниқлашда белгиларнин намоён бўлиш хусусиятларини тўғри билишимиз ва характерли томонларини ажрата олишимиз керак. Масалан, помидорнинг рак касаллигини аниқлаш жараёнида баргда ҳосил бўладиган сўлиш жараёнининг интенсивлиги тўлиқ маълумот бермайди. Бунинг учун пояда ҳосил бўладиган ёриқлар, ўтказувчи найларнинг қорайиши ва мевалардаги доғлар эътиборга олиниши керак.
Бактериал доғланиш касаллигини аниқлашда унинг ранги, шакли, улар атрофида рангсиз зонасининг мавжудлигига эътибор берилади. Бодрингнинг Ps.lachrymans бактерияси билан касалланганда доғлар ўткир бурчакли, оч жигар рангда, сулини Ps. coronafaciens бактерияси билан касалланганда доғлар нотўғри шаклда, қизил-қўнғир рангда, тамаки Ps. tabaci бактерияси билан касалланганада доғлар жигар рангда ва концентрик шаклга эга, ловияни X. phaseoli билан касалланганда доғлар нотўри шакилда, рангсиз доира ҳосил қилади.
Айрим касалликлар бактериялар, замбуруғлар ва экологик шароитдан вужудга келганда намуналарни бактериологик ёки микологик тадқиқотлар асосида аниқлашга тўғри келади.