Ўзбекистон республикаси қишлоқ ХЎжалиги вазирлиги

Жумладан, АҚШ ҳукумати томонидан 1939 йилда биринчи суғурталаш дастури ишлаб чиқилган бўлиб, уни амалга ошириш учун ҳосилни суғурталаш бўйича Федерал корпорацияси (FCIC) ташкил этилган. АҚШ ҳукумати суғурталаш шартлари ва қоидаларини тартибга солади, келгусида қишлоқ хўжалиги экинларини суғурта ҳимоясига олишнинг барча турлари бўйича тарифларни ишлаб чиқади. АҚШда 1980 йилда «Ҳосилни суғурталаш тўғрисида»ги Қонун қабул қилинган. Ҳосилни суғурталаш Дастури қишлоқ хўжалигида хавфли хатарлардан ҳимоя қилишни ва унинг натижасида кўриладиган иқтисодий зарарларни камайтиришни кўзда тутади. Ушбу мақсадга эришиш учун Қишлоқ хўжалик экинларини суғурталаш Федерал Корпорацияси ташкил этилган. Корпорация томонидан суғурта мукофотлари ставкалари, субсидиялар ҳажми белгиланади ва янги турдаги суғурта маҳсулотлари тасдиқланади. 2000 йилга келиб, "Қишлоқ хўжалик қалтисликларидан ҳимоялаш тўғрисида”ги қонуни ҳам қабул қилинган.

Айтиш лозимки, АҚШ бутун дунёда ўзининг суғурта соҳасида етакчи мамлакатлардан ҳисобланади. Жумладан 2020 йил маълумотларига қараганда суғурта соҳасида жаҳондаги етакчи 10 та мамлакат ичида АҚШ нинг умумий суғурта мукофотлари портфелидаги улуши 57,5 фоизни ташкил этади. Ундан кейин топ учталикда Канада (11,3 фоиз) ва Испания (6,9 фоиз) энг юқори ўринларни эгаллашган (1.2-жадвал)³¹.

1.2-жадвал

Ривожланган мамлакатларнинг умумий суғурта портфелидаги улуши тахлили

№	Мамлакат номи	Суғурта мукофоти, млн АҚШ доллари	Умумий портфелдаги улуши, %
1	Америка Қўшма Штатлари	4600