Ўзбекистон республикаси қишлоқ ХЎжалиги вазирлиги тошкент давлат аграр университети

Ходим билан меҳнат шартномасини бекор қилиш тўғрисида буйруқ (фармойиш)
Ходимларни ишдан бўшатишни расмийлаштириш ва ҳисобга олиш учун қўлланилади. Кадрлар бўлими ходими томонидан тўлдирилиб корхона рахбари ёки ваколатли шахс томонидан имзоланади ва ходимга билдирилиб қўл қўйдирилади. Ходим билан меҳнат шартномасини бекор қилиш тўғрисидаги буйруққа асосан ходимнинг шахсий ҳисоб карточкаси (№ Т-2 шакл), шахсий ҳисоб варақаси(№ Т-13 шакл), меҳнат дафтарчасига бу ҳақда ёзилади.
Шунингдек, ходим билан № Т-17 шакл “ходим билан меҳнат шартномаси (контракти)ни бекор қилиш вақтида ҳисоб-китоб ёзуви” амалга оширилади.
Топшириқ:
З разрядли тикувчи А.Валиева ўз ҳоҳишига кўра 18 апрелдан ишдан бўшатилди. Ходим билан меҳнат шартномасини бекор қилиш тўғрисида 57-сонли буйруқ тайёрланг.



Ходимни хизмат сафарига юбориш ҳақида буйруқ (фармойиш)
Ходим(лар)ни хизмат сафарига юборишни расмийлаштириш ва ҳисобга олиш учун қўлланилади. Кадрлар бўлими ходими томонидан тўлдирилиб корхона рахбари ёки унга ваколатли шахс томонидан имзоланади. Хизмат сафарига юбориш тўғрисидаги буйруқда сафарга юборилаётган ходимнинг фамилияси ва исми-шарифи, таркибий бўлинма, лавозими( касби) ҳамда хизмат сафарининг мақсади, вақти ва қаергалиги кўрсатилади.
Зарур холларда хизмат сафари харажатларини қоплаш манбалари ва хизмат сафарига юбориш билан боғлиқ бошқа шартлар кўрсатилади.
Топшириқ:
Ишлаб чиқариш бўлими бошлиғи ҳамкорлар билан шартнома имзолаш мақсадида 14 январдан 20 январгача Хоразм вилояти Урганч Туманида жойлашган “Текстил сервис” МЧЖга хизмат сафарига юборилди. Цех бошлиғи учун хизмат сафарига юбориш ҳақида 58 сонли буйруқ ва хизмат сафари гувоҳномасини тўлдиринг.





Хизмат сафари гувоҳномаси.
Хизмат сафарида бўлинган вақтни ( тайинланган жойга келиш ва ундан кетиш вақтини) тасдиқлайдиган ҳужжат ҳисобланади. Хар бир келиш ва кетиш жойида келиш ва кетиш вақти тўғрисида белги қўйилиб, маъсул шахс имзоси ва муҳр билан тасдиқланади. Бу ҳужжат хизмат сафарига юбориш тўғрисидаги буйруқ (фармойиш)га асосан кадрлар бўлими ходими томонидан бир нусхада ёзилади.
Ходим(хисобдор шахс) хизмат сафаридан келганидан сўнг бўнак ҳисоботи тузилиб унга қилинган харажатларни тасдиқловчи ҳужжатлар илова қилинади.