Ўзбекистон республикаси қишлоқ ХЎжалиги вазирлиги тошкент давлат аграр университети

Асосий воситаларнинг инвентар рўйхати
Асосий воситалар инвентар рўйхати учун намунавий шакл мавжуд. Ишлаб чиқариш ва ноишлаб чиқаришга мўлжалланган асосий воситаларга алоҳида рўйхат тузилади.
Асосий воситалар инвентар рўйхати икки нусхада тайёрланади:
-биринчи нусха бухгалтерия солиштирма далолатномасини тузиш учун берилади;
-иккинчи нусха асосий воситалар учун моддий жавобгар шахсда қолади.
Ижарадага асосий воситалар учун инвентаризация рўйхати уч нусхада тўлдирилади. Учинчи нусха ижарачига берилади. Агар инвентаризация вақтида ҳисобга олинмаган асосий воситалар аниқланса, у ҳолда “ҳақиқатдаги қийматлар/нархи сўм” графасида бозор қиймати кўрсатилади.
Инвентаризацион рўйхатни инвентаризация комисссиясининг ҳамма аъзолари ва асосий воситалар учун жавобгар шахслар имзо қўядилар.
Бухгалтер инвентаризацион рўйхатда кўрсатилган ҳисоб-китобларни тўғрилигини текшириб ва охирги варағини имзолайди.
Рўйхат ташкилот архивида 5 йилгача сақланиши керак.
Топширик:
Жамиятдаги асосий восита ҳақидаги маълумотлар: ёғоч ўювчи станок БДС-5, у дарахтларни қайта ишлаш учун мўлжалланган. габарит размери–825х990х980. Электр двигателининг қуввати-1,5 кВт; массаси-125 кг. Ишлаб чиқарилган санаси 2001 йил, инвентар рақами 12\15, завод рақами 11\9, 4 дона қиймати 40000000 сўм. Инвентаризация натижасида 3 дона аниқланган.
Юқоридаги маълумотлардан фойдаланган ҳолда инвентаризация рўйхатини ва солиштирма далолатномасини тузинг.







Асосий воситаларни инвентаризация натижалари бўйича таққослаш далолатнома

Асосий воситаларни инвентаризация натижалари бўйича таққослаш далолатнома учун намунавий шакл мавжуд. Далолатнома фақатгина инвентаризация жараёнида бухгалтерия ҳисоби маълумотлари билан фарқлар (камомад ёки ортиқча) аниқланган ҳоллардагина бухгалтер томонидан тузилади. Далолатнома икки нусхада тузилади:

-бир нусхаси бухгалтерияда қолади;
-иккинчи нусхаси асосий воситалар учун жавобгар бўлган шахсга берилади.
Асосий воситаларни инвентаризация натижалари бўйича таққослаш далолатнома ташкилотнинг архивида 5 йилгача сақланади.


9-МАВЗУ: ҚИШЛОҚ ХЎЖАЛИК ИШЛАБ ЧИҚАРИШИГА ДОИР БОШЛАНҒИЧ ҲУЖЖАТЛАР