Ўзбекистон республикаси қишлоқ ХЎжалиги вазирлиги тошкент давлат аграр университети

АВ-6. Асосий воситаларни ҳисобга олиш инвентар карточкаси.
Ушбу ҳужжат хўжалик усулида қурилиб ишга туширилган, сотиб олинган, текинган олинган, устав капиталига улуш сифатида олинган асосий воситалар учун қўлланилади.
Инвентар карточка бухгалтерияда ҳар бир объект бўйича юритилади. Шакл объектларни қабул қилиш, қўшимча қуриш, реконструкция қилиш ва ҳисобдан чиқариш учун асос бўлган ҳужжатлар (АВ-1, АВ-1а) асосида бир нусхада тузилади.
“Объектнинг қисқача индивидуал тавсифи” бўлимида объектнинг ҳамда унга қўшимча қурилмалар ва мосламаларнинг асосий тавсифлари кўрсатилади. Шунингдек мазкур объектга хос энг мухим икки-учта сифат кўрсаткичлари, унинг техник ҳужжатларидаги маълумотларни такрорламаган ҳолда келтирилади. Объектни реконструкция қилиш, қўшимча қилиш ва қўшимча жиҳозлаш натижасида унинг миқдор ва сифат кўрсаткичлари сезиларли даражада ўзгарганида аввалги инвентар карточкада ушбу ўзгаришларни акс эттириш имкони бўлмаганда янги инвентар карточка очилади. Эски инвентар карточка маълумотнома сифатида янгиси билан бирга сақланади. Карточка асосий воситанинг хизмат муддати давомида сақланади.
25-30 графалар реконструкция қилиш, қўшимча қуриш ва қўшимча жиҳозлаш холларида, яъни асосий воситаларнинг ахволини яхшилайдиган ва хизмат муддатини узайтирадиган қўшимча капитал қўйилмалар қилинганида тўлдирилади. Бу ҳолда қўшимча қурилган суммага дастлабки қиймати ўзгариши, хизмат муддати ёки амортизация нормаларининг ўзгариши акс эттирилади.
№ 5 БҲМСга мувофиқ асосий восита қайта баҳоланганида дастлабки қиймати ва ҳисобланган эскириш суммаси ўзгаради. Ушбу маълумотлар ҳам инвентар карточкада акс эттирилади.
Топшириқ:
“Малика” МЧЖ 12 август 2018 йил Hewlett Packard 340/S серверини (паспорт №53872017, завод рақами 6596-84, ишлаб чиқарилган йили-2011 йил 25 май, инвентар рақами-000106) сотиб олди. Сервернинг қиймати – 2050000 сўм
6 август 2017 йил асосий воситаларни қабул қилиш далолатномасига асосан инвентар карточка тўлдирилган.
Юқоридаги маълумотлар асосида инвентар карточкани тўдиринг.