Ўзбекистон республикаси ички ишлар вазирлиги

1. Ер майдони бўйича: “Шахарсозлик. Туман ва қишлоқ аҳоли пунктлари ҳудудларини ривожлантириш ва қурилишини режалаштириш” ШНҚ-2.07.01-03^* нинг 109-бандига асосан Денов туманнинг майдони бўйича 5 та депо (ёнғин ўчириш қисмлари биноси) керак бўлади.
2. Ёнғин ўчириш деполарини ҳисоблаш гарафиги майдони бўйича: Ёнғин ўчириш деполарини ҳисоблаш графиги бўйича биринчи ёнғин ўчириш бўлинмаси чақирув жойига меъёрий вақт яъни 10 дақиқа ичида бориш учун
2 та депо мавжуд бўлган ҳолда 8-9 дақиқа ичида 3 та депо мавжуд бўлган ҳолда 6-7 дақиқа ичида 9 та депо мавжуд бўлган ҳолда эса бўлинмаларнинг туман ҳудудидаги ёнғин жойига 5 дақиқада етиб бориши таъминланади. Бу эса ёнғинни ривожланишидан олдин бартараф этиш имкониятини беради.
3. Ёнғин хавфсизлиги хизматининг ташкилий тузилиши бўйича:
Ҳарбийлаштирилган ёнғин хавфсизлиги қисмлари аҳоли яшаш пунктларида аҳолининг умумий сони 50 минг ва ундан кўп бўлган ҳолатларда ташкил этилади ва ёнғин хавфсизлиги профессионал қисмлари билан мустаҳкамланиши мумкин.
Ёнғин хавфсизлиги профессионал қисмлари аҳоли пунктларидаги аҳолининг умумий сони 50 мингдан кам бўлган ҳолатларда ташкил этилади.
Денов туманнинг аҳолиси 382 минг кишини ташкил этганлигини инобатга олган ҳолда 7 та ҲЁҚҚлари туман ҳудудининг ёнғиндан муҳофаза этилиши учун талаб этилади.
Қўшимча таклифлар:

Денов туманининг ёнғин хавфсизлиги бўлинмалари томонидан хозирги кунга қадар туман атрофидаги 4 та Узун, Шўрчи, Сариосиё ва Олтинсой туманларида катта ва мураккаб ёнғинларни бартараф этиб келмоқда, Термез шаҳрида жойлашган 1-сонли ҲЁҚҚ негизида иккинчи даражали таянч маскани томонидан юқорида қайд этилган туманлар ҳудудига содир бўлаётган ёнғинларни ўз вақтида бартараф этишга тўлақонли эришилмаётганлигининг асосий сабаби ҳисобланиб мисол учун 2017 йил

18 май куни тунги соат 23⁵⁵лар чамасида Денов тумани “Гулзор” кўчаси
1-уйда жойлашган “Хабибобод-Денов” савдо комплекси МЧЖ ҳамда “Хабибий-саҳовати” хусусий корхонасига қарашли буюм бозорида ёнғин содир бўлган, ёнғин оқибатида 3.900 м.кв майдонда жойлашган 780 та турғун савдо шаҳобчалари ёнғиндан зарарланган;
2017 йил 23 май куни соат 07⁵⁵ лар чамасида Сурхондарё вилояти Узун тумани Жума Пирназаров СИУ «Маландиён» маҳалласида жойлашган «Шамс-Арз» хусусий фирмасига қарашли омбор ёнган, унинг оқибатида мархум Ашуралиев Аслиддин Қодиралиевич воқеа жойида вафот этган, шунингдек, фуқаро Холов Қодирали Ашуралиевич ва амакиси фуқаро Нарзуллаев Собир Турдиевичлар 1-2 А-Б-даражали 10-15 % куйиш тан-жароҳати олган;
2018 йил 18 апрель куни соат чамаси 04.35ларда Шўрчи туманида жойлашган “Шўрчи пахта” АЖнинг пахта хом ашёсини сақлаш омборхонасида ёнғин содир бўлиб, унда таҳминан 3 минг 623 дона пахта тойлари ёниб кетган;
2017 йил 22 октябрь куни тунги соат 02⁰⁰лар чамасида Денов тумани Охунбобоев СИУ “Қорақўз” маҳалласи 18 хонадонда ёнғин содир бўлиб, унда мархум Тошбоева Гулмира ва унинг фарзандлари жами тўрт нафар фуқароларнинг куйган ҳолдаги жасадлари ёнғин ўчириш вақтида топилган.
Шу каби содир бўлаётган ёнғинларни бартараф этишда ва фуқароларни ўз вақтида қутқариб олишда бир мунча ноқулай шароитларни келтириб чиқармоқда. Бунга асосий сабаблардан бири Термез шаҳрида жойлашган таянч масканидан ушбу бўлиб ўтган ёнғинлар масофаси 100 км ва ундан ортиқни ташкил қилади.
Ушбу ҳолатларни инобатга олиб, Сурхондарё вилоятининг марказлашган ҳудудидан бири Денов туманида 4-сонли ҲЁҚҚ негизида таянч масканининг ташкил этилиши мақсадга мувофиқ деб ҳисоблайман. Бу эса вилоятнинг қарийиб асосий аҳолиси жайлашган 5 та (Узун, Саросиё, Шўрчи, Олтинсой ва Денов) туманларига хизмат қилиши таъминланган бўлади. Хозирда ушбу туманларда аҳолининг ўсиши, тадбиркорлик субъектларини кўпайиши ва кўп қаватли аҳоли турар жойлар бунёд этилишини шунингдек, ҳаёт маромини таъминловчи давлат объектлари ҳам мавжудлигини ҳисобга олишимиз керак бўлади.