Ўзбекистон республикаси ички ишлар вазирлиги академияси дастлабки тергов ва криминалистика кафедраси тергов фаолияти мутаҳасислиги

Воқеа содир бўлган жойни кўздан кечириш тергов ҳаракатини ўтказишда эътибор қаратилиши лозим бўлган холатларга
Э С Л А Т М А:


1. Воқеа содир бўлган жой Ўзбекистон Республикаси ЖПКнинг 135-141-моддаларига асосан кўздан кечирилиши лозим;
2. Воқеа содир бўлган жойга чиқишдан аввал тергов-тезкор гуруҳи раҳбари тезкор навбатчидан воқеа жойининг манзилини, воқеанинг қисқача тавсилотини ҳамда Ш-2 китобидан рўйҳатга олинган рақамини олиб, тўлиқ тергов-тезкор гуруҳ билан, жумладан, ЭКБ эксперти, ЖҚ ва УЖҚКБ тезкор вакили ҳамда кинолог хизмат ити билан (оғир ва ўта оғир ҳамда шов-шувга сабаб бўлувчи жиноятлар бўйича бўлим ва бўлинма раҳбарлари билан биргаликда чиқилсин) воқеа содир бўлган жойга чиқиши лозим;
3. Воқеа жойига етиб борилганда воқеа содир бўлган ҳудуд бегона
ва ишга даҳли бўлмаган шахслардан озод этилиб, воқеа жойи махсус ленталар ёрдамида ўраб олиниши ва қўриқловга олиниши лозим;
4. Воқеа жойини кўздан кечириш тергов ҳаракатини бошлашдан аввал икки нафар холатга умуман даҳли бўлмаган (жабрланувчи ёки гумон қилинувчининг яқин қариндошлари ваш улар туркумига кирувчи) шахсларни тергов ҳаракатида холис сифатида иштирок этишга жалб қилиб, уларга холисларнинг ЖПКнинг 74-моддасида кўрсатилган ҳуқуқ ва мажбуриятлари тушунтириш, холисларнинг анкета маълумотлари баённомага тўлиқ ёзилиши ва имзо қўйдирилиши лозим;
5. Воқеа жойини кўздан кечирилишидан аввал, иштирок этувчилар, воқеа жойининг аниқ манзили (уй рақами, нечанчи йўлак орқали кирилиши, нечанчи қаватда жойлашганлиги, ён атрофида жойлашган объектлар, жумладан боғча, мактаб, савдо расталари ва бошқалар) ёзилиши лозим;
6. Воқеа содир бўлган жойга кириш эшигининг ташқи кўринишидан бошлаб (эшикни неча табақали эканлиги, ташқи кўриниши, нимадан ишланганлиги, эшикдаги қулфлар бузилган ёки бузилмаганлиги) хонадон ичкарисига кирганда, соат айланмаси бўйлаб, яъни чап тарафдан бошлаб воқеа жойида мавжуд бўлган барча жихоз ва далилларга алоҳида таьриф бериб ёзилиши, воқеа жойидаги обьектив холат ўзгарган ёки ўзгармаганлигига эътибор қаратилмоғи ҳамда воқеа жойига (уй, хонадон ёки бошқа хона ҳамда транспорт воситаларига) қандай қилиб кирилганлиги аниқланиши лозим;