Ўзбекистон Республикаси Хал= таълими вазирлиги

6-мавзу: «Қиз болаларга хос фазилатлар»
Қиз болаларга хос фазилатлар - уялмоқ, тортинмоқ, ўзини сипо тутиш, товушини баланд қилиб гапирмаслик, қаттиқ кулмаслик, ўтирганда этагини ёпиб ўтириш. Дилдаги ғазаб ва нафратини юзага чиқармаслик. Ишда, сўзда одобга риоя қилишни ўргатиш.
Қизларни саранжом-саришта бўлишга ўргатиш: ўйинчоқлар, китоблардан ва меҳнат қуролларидан эҳтиёткорлик билан фойдаланиш, буюмларни асраш, ардоқлаш кераклигини тушунтириш. Болаларда буюмларга нисбатан онгли муносабатни тарбиялаш. Мавзу буйича ҳикоя ва ривоят ўқиб, уни шарҳлаш.
7-мавзу: Нима яхши-ю, нима ёмон

Болаларга "яхши одат", "ёмон одат" каби сўзларнинг фарқига боришга ўргатиш. Уйда, кўчада, мактабгача таълим муассасида тартиб, интизом ва озода юрадиган, яхши, урф-одатларга амал қиладиган болалар яхши болалар эканлигини расмлар орқали тушунтириш.

8-мавзу: Тозалик - бу саломатлик
Болаларга тозалик-бу саломатлик деганини тушунтириш. Саломатликнинг бош мезони тоза, озода юриш экани, эрталаб уйқудан турганда юз-қўлларни ювиш, кейин сочиққа артиш. Ётиш олдидан тишларни тозалаш, қўл-оёқларни ювиш, сочиқ ва дастрўмолдан тўғри фойдаланишни тушунтириш. Болаларга қўл ювиш, тиш ювиш қоидаларини тушунтириш. Қўл, оёқ ва бадан учун фойдаланиладиган сочиқларни фарқлашга одатлантириш. Саломатлик ҳақида алломалар ўгитлари ва ривоятларидан ўқиб бериш.
9-мавзу: Қўл ювиш қоидалари


Болаларда қўл ювиш қоидасини мустаҳкамлаш.
1.Қўлни ювишда аввало кўйлак енглари ҳўл бўлмаслиги учун енгларни шимариб олиш керак.
2.Қўлларини намлаб олиш ва совунни кўпиртириб олиб кафтларни бир-бирига яхшилаб ишқалаш керак. Ўнг кафт билан чап қўлнинг устини ишқалаш ва аксинча.
3.Кафтларни бир-бирига ишқалаш, бунда қўлнинг бармоқларини бир-бирига чирмаштириш.
4. Бармоқларнинг устини бошқа қўлнинг кафтига ишқалаш, бунда бармоқларни қулф қилиб бирлаштириш.
5.Чап қўлнинг катта бармоғини ўнг қўлнинг кафти билан айланма ҳаракат қилиб ишқалаш ва аксинча.
6.Чап кафтни ўнг қўлнинг бирлаштирилган бармоқлари билан орқага ва олдинга айланма ҳаракат қилган ҳолда ишқалаш ва аксинча
7.Қўлни чайишда ҳам бармоқларни яхшилаб ишқалаб чайиш.
8.Қўлларда совун кўпиги қолмаслиги керак. Чайиб бўлгач қўл қуригунча сочиққа артиш.