Ўзбекистон Республикаси Хал= таълими вазирлиги

22-мавзу: «Ёлғончилик ёмон одат»
Болаларга ёлғончилик ёмон одатлиги, ёлғон гап одамларни ранжитиши, орада ишонч йўқолиши, ёлғончи деган номни олиши ҳақида тушунча бериш. Болаларга ёлғончилик ёмон одат мавзусидаги ҳикоя, эртак ва устозлар ўгитларидан ўқиб бериш. Ёлғон гапириб ҳижолат чеккан болалар ҳақида мазмунли расмлар кўрсатиб изоҳини бериш.


23-мавзу: «Камтарлик»
Болаларни камтар бўлишга даъват этиш. Камтарлик тушунчасига изоҳ бериш: яхши одам камтардир. Камтар одам ўзига алоҳида эътибор талаб қилмайди. Керилиб, кибр-ҳавога берилмайди. Камтарлик бу одамийлик, маънавий поклик дегани. «Терак ва мажнунтол» масалини ўқиб бериш.
24-мавзу: Дадамга совға

Болаларда дадасига нисбатан муҳаббат ҳиссини тарбиялаш. Ўзи ясаган совғадан завқланиш ҳиссини тарбиялаш. Катталарни ҳурмат қилиб, байрамда уларга ўз қўли билан совға олиб бориш, улардан “баракалла”, “рахмат” сўзларини эшитишга нисбатан қизиқиш уйғотиш. Совға тайёрлаш орқали болаларда майда қўл моторикасини ривожлантириш.

25-мавзу: «Дангасалик ёмон одат»
Болаларга дангаса одам доим ҳар нарсага мухтож бўлиши, дангасани ҳеч ким ёқтирмаслигини тушунтириш. Болаларга ёшликдан ўз-ўзини эплашга, уй-рўзғор ишларида ота-оналарига ёрдам беришга қизиқтириш, уларнинг ёрдами ота-оналарга севинч олиб келишини тушунтириш. Катталар ишини енгиллаштириш ёқимли иш эканини айтиш. Дангасаликнинг охири «вой» эканлиги ҳақида эртак айтиб бериш.
26- мавзу: «Тежамкорлик- яхши одат»
Болаларга тежаш — бу нарсаларни исроф қилмаслик, уни қадрлаш, ҳар бир буюмни ўз меъёрида ишлата билиш эканлиги. Давлатимиз, оиламиз бой бўлиши учун ҳар бир нарсадан исроф қилмай фойдаланишга одатланиш. Исрофгарчилик — ёмон иллат экани, исроф — пул, мол ва неъматларни хор, нобуд қилиш, ўринсиз ва ортиқча сарфлаш, исрофгарчиликка йўл қўймаслик, режалилик ҳар бир оилага қут-барака, бахт-саодат олиб келиши, исрофгарчиликнинг охири ночорлик, хор-зорликка олиб келишлишини ривоят, ҳикоялар орқали тушунтириш.
Нонни увол қилмаслик ҳақида тушунча бериш: инсоният учун барча ноз-неъматлардан улуғи нон эканлиги, унинг инсон ҳаёти учун сув ва ҳаводек зарурлиги, ноннинг увоғи хам нон эканлиги, ўзбек халқи қадим-қадимдан нонни улуғлаб кўзга суртиши, нон дастурхон кўрки, оила фаровонлигининг белгиси эканлиги, уни ҳеч қачон увол қилмаслик лозимлигини тушунтириш.