Ўзбекистон Республикаси Хал= таълими вазирлиги

Амалий машқ: “Бир-биримизга меҳр берамиз” 
Машқнинг мақсади: болаларда бир-бирларига меҳр уйғотиш, ўртоқларига меҳрибон бўлиб, иноқ-
тотув муносабатда бўлишни тарбиялаш. 
Машқнинг бориши: 
Тарбиячи: ҳозир ҳаммамиз доира бўлиб туриб оламиз. Ҳаммамиз бир-биримизни қўлларимизни 
ушлаб, бир-биримизга қараб меҳр билан боқамиз. (Тарбиячи болаларга бир-бирига меҳр билан 
боқишни кўрсатиб беради: ҳар бир болага бирма-бир кулиб боқади. Кейин ҳар бир бола бирма-бир 
тарбиячи ва болаларга меҳр билан кулиб боқади). 
Тарбиячи: Болажонлар, меҳр билан боқишни ўрганиб олдингиз, энди ҳамиша шундай меҳр билан боқиб 
юринг. Ўртоқларингиз билан аҳил-иноқ бўлиб ўйнанг. Уйга борганда бу машқни ака-опаларингиз билан 
бирга такрорланг.
Болажонлар, диққат билан эшитинг, ҳозир ўртоқларингиз сизларга ―Ассалом‖ ҳақида шеър айтиб 
берадилар. (Болалар Т.Йўлдошнинг ―Салом‖ шеърини айтиб берадилар). 

Салом Толиб Йўлдош 
Салом билан бошланар, 
Билсанг одоб ва аҳлоқ. 
Салом билан бегона,
Бўлар тезда дўст-иноқ. 
Салом, ассалом минг-минг, 
Сўзлар ичра дурдона. 
Салом ҳар бир боланинг, 
Одобидан нишона. 
Тарбиячи: Бугун мен сизларга катталарни кўрганда дарров салом бериш кераклигини айтмоқчиман. 
Салом бериш яхши одат. Яхши одатлар доим катталарни хурсанд қилади. Сиз катталарга салом берсангиз 
улар хурсанд бўладилар, сизни одобли бола экан, дейдилар. Болажонлар, сиз катталарни кўрганда
қандай салом берасиз? 
Болаларнинг жавоби. 
Тарбиячи: Болалар, катталарга тўғри салом беришни олдин мен кўрсатаман, кейин ҳаммамиз биргаликда 
бажарамиз. Қўлимизни кўксимизга қўйиб, сал олдинги энгашиб, жилмайиб, ―Ассалому – алайкум‖, 
деймиз. Келинглар, ҳаммамиз ўрнимиздан туриб биргаликда бажарамиз. Қўлимизни кўксимизга қўямиз, 
жилмайиб, озроқ энгашиб салом берамиз — Ассалому-алайкум. 
Баракалла, болажонлар, ҳаммангиз чиройли салом беришни ўрганиб олдингиз. Уйда бува-бувингизга, 
ота-онангизга ―Ассалому – алайкум‖ - , деб салом беришларингиз керак. Кўчада, боғчада катталарга 
кўлимизни кўксимизга қўйиб ―Ассалому— алайкум‖, дейишимиз керак. Болажонлар, сиз ҳар куни 
боғчага келганда ўртоқларингиз билан ҳам саломлашишингиз керак.