Ўзбекистон Республикаси Хал= таълими вазирлиги

 
7-мавзу: «Меҳнатсеварлик нима?» 
 
Мақсад:Болаларни ота-онаси, тарбиячиси, энагасига сидқидилдан ѐрдам беришга одатлантириш. Ўзи 
қилган ишнинг бошқаларга фойдаси борлигини билишга, бошлаган ишини охирига етказиб, ҳаммага 
ѐқадиган бўлишга ундаш. Меҳнатнинг натижасини кўрганда қувонишни тушунтириш, меҳнатга тўғри 
муносабатни тарбиялаш. 
Керакли жиҳоз: ―Соғ танда соғлом ақл‖ методик қўлланма, меҳнат турлари бўйича мазмунли суратлар, 
болаларнинг гуруҳда ѐки уйда меҳнат жараѐнида олинган фатолавҳалар.
Суҳбатнинг бориши:Тарбиячи: биз бугун меҳнатсевар болалар ҳақида суҳбатлашамиз. Қандай 
болаларни меҳнатсевар болалар деб атаймиз? (Болалар жавоблари)
Тарбиячи: Тўғри, кийимларини тартибли сақлайдиган, ўйинчоқларни ўз жойига йиғиштириб 
қўядиган, ўртоқларига кийинишда ѐрдам берадиган болаларни ҳам меҳнатсевар болалар деймиз. 

---

50 
Бугун эрталаб Лола Нодирга туфлисининг ипини боғлашга ѐрдам бериб юборди, кийимини шкафга 
илиб қўйди. Лола ўртоғига ѐрдам бериб жуда тўғри иш қилди. Бўлмаса Нодир туфлисини ипини 
босиб, йиқилиб тушиши мумкин эди. Мен Лоланинг ўртоғига қилган ѐрдамини кўриб суюндим ва 
унга ―Баракалла, она қизим‖ деб айтдим. Лола ўзининг тўғри иш қилганини эшитиб жуда хурсанд 
бўлди. Унда яна бирорта фойдали иш қилишга истак ҳосил бўлди. «Ўйинчоқларни йиғиштириб 
қўйсам майлими?» — деб сўради мендан. «Албатта майли, мен бу орада қолган болаларнинг 
ўйинчоқларни қандай йиғиштираѐтганликларини кузатиб тураман», — деб жавоб бердим. 
Кўрдингизми, болалар меҳнатнинг катта-кичиги бўлмайди. Асосийси меҳнатни охиригача қилиш. 
Ўзингизни қилган ишингиздан хурсанд бўлиш. 
Биласизларми, болалар ота-онаси, тарбиячисига сидқидилдан ѐрдам берадиган болалар ҳам 
меҳнатсевар болалар дейилади. Мана, биз ҳам ҳар куни гуруҳимизда навбатчи бўламиз. Навбатчи 
қандай ишларни бажаради? Унинг вазифаси нима?
Тарбиячи:тўғри, навбатчиларнинг иши катталарга ѐрдам бериш. Навбатчилар гуруҳдаги меҳнатга 
қатнашадилар: нонушта вақтида столларга нон солинган ликопчаларни қўядилар, машғулот 
бошланишидан олдин қоғоз, қаламларни қўйиб чиқадилар, машғулот тугагач, қаламларнинг 
ҳаммасини столдан йиғиб олиб, сўнгра очилган томонларини бир томонга қилиб тахлаб, уларни 
очилмаган томонини пастга қилиб қаламдонга солиб, уни токчага олиб бориб қўядилар, полдаги 
қоғозларни териб оладилар. Сайр вақтида майдондаги баргларни териб оладилар. Буларнинг барчаси 
меҳнат дейилади. Сиз бу вазифаларни бажаришда ѐрдам берсангиз, демак сизни меҳнатсевар бола 
деймиз. 
Меҳнатсевар болалар яна қандай ишларда катталарга ѐрдам бериши мумкин? Сиз уйда ота-онингизга 
қандай ишларда ѐрдам берасиз? Ким уйидан ота-онасига ѐрдам бераѐтган вақтида тушган суратларни 
олиб келди? Ким кўрсатади? (Тарбиячи болаларнинг уйларидан олиб келган суратлари, ѐки ушбу 
мавзуга мос суратлар юзасидан суҳбат ўтказади) 
Тарбиячи:Мана бу суратга қаранг, Эъзоза ҳовлини супиряпти. Демак, Эъзоза уйда онасига ана 
шундай ѐрдамлашади. 
Зухриддин гулларга сув қуйяпти. Демак, Зухриддин уйда онасига ана шундай 
ѐрдамлашади.(Тарбиячи шу таҳлилда болаларнинг уйларидан олиб келган суратларини кўрсатади)