Ўзбекистон республикаси халқ таълими вазирлиги сурхондарё вилояти халқ таълими ходимларини қайта тайёрлаш ва уларнинг малакасини ошириш ҳудудий маркази

Сана	Бажарилган ишларнинг қисқача мазмуни ва таассуротлар
Раҳбар имзоси

3.3. Дарсларни таҳлил қилиш

Педагогик амалиётнинг 1 ҳафтасида тингловчилар мактаб жамоасининг педагогик фаолияти билан яқиндан танишадилар. Улар мактабдаги тарбиявий ишларнинг ташкил этилиши, тарбиявий соатларни таҳлил қилиш билан бирга мактабда ўқитиладиган ҳамма фанларни кузатадилар. Дарслар турли мақсадларда кузатилиши мумкин. Кўп йиллик иш тажрибани ўрганиш ёки ёш ўқитувчига методик ёрдам кўрсатиш мақсадида, ўқувчиларнинг билимларини аниқлаш ва баҳолаш иш услубини ўрганиш ва ҳоказо. Бутун дарс жараёни бир неча қисмда таҳлил этилади.

1. Ташкилий.
2. Дидактик.
3. Методик.
4. Психологик.
5. Педагогик.
6. Якуний таҳлиллардан иборат.
Ташкилий таҳлилда ўқув хонасининг дарсга тайёрлиги, ўқувчиларнинг дарсга тайёргарлиги эътиборга олинади. Бу босқичда ҳатто ўқитувчининг ташқи кўриниши ҳам ҳисобга олинади.
Дидактик таҳлилда мавзунинг илмийлиги, изчиллиги, оддийдан мураккабга қараб йўналтирилганлиги, билим ва ахборотларнинг ҳаётийлиги, равон тилда олиб борилиши ўрганилади.
Методик таҳлилда дарснинг қандай усулларда олиб борилиши, қўлланилган дарс шакли мавзуга мос келадими ёки йўқми, тайёрланган кўгазмалар, намуналар мавзуни очиб беришга хизмат қилиши, дарсда тадбиқ этилган янги педагогик технологиялар қай даражада ўзининг самарасини берганлиги ҳақида маълумот берилади.
Педагогик таҳлил – ўқитувчининг ташқи қиёфаси, нутқи, синф билан тил топа олиши, миллий тарбия, экологик, иқтисодий тарбия, ахлоқий ва маънавий тарбия турларидан қайси бирига эътибор бериш лозимлиги, қандай дарс туридан фойдаланса, дарс самарали бўлади каби масалалар педагогик таҳлилнинг асосини ташкил этади.