Ўзбекистон республикаси халқ таълими вазирлиги сурхондарё вилояти халқ таълими ходимларини қайта тайёрлаш ва уларнинг малакасини ошириш ҳудудий маркази

Якуний таҳлил – бунда дарс бўйича мулоҳаза, йўл-йўриқ ёки тавсиялар берилади. Юқоридаги таҳлилни бажариш учун дарснинг ҳамма босқичини тўғри кузатиш ва таҳлил этиш лозим.
Дарс кузатиш натижасида у ҳақида тўлиқ тасаввур вужудга келиши учун қуйидаги умумий талабларга риоя қилиш мақсадга мувофиқ:
1. Дарс ҳақида умумий маълумот: сана, жойи, синф, фан, ўқитувчининг исми, фамилияси, ўқувчиларнинг сони, давомати, амалиётчи-тингловчилар қатнашиши.
2. Дарснинг мақсадлари а) таълимий; б) тарбиявий; в) ривожлантирувчи мақсадларнинг қўйилиши ва уларнинг дарс жараёнида ёритилиши.
3. Ташкилий қисмни кузатишда асосан ўқитувчиларнинг дарсга ҳозирлиги, синф хонасининг ва ўқувчиларнинг дарсга тайёрлиги, уларни асбоб-ускуналар билан таъминланиши ва босқичнинг савияси назорат қилинади.
4. Ўтилган мавзуни такрорлаш. Ўқитувчи ўқувчиларга берган саволлари ўтган мавзуни қамрай олдими, саволлар аниқми, мавзуни такрорлашда қайси усуллардан фойдаланилди?
5. Янги мавзуни тушунтиришда қандай усуллар қўлланилди? Ўқитувчиларни фан асослари бўйича билимларига таянилдими ёки йўқми? Етарлича кўрсатмалиликдан фойдаланилдими, ўқувчилар мавзуга қизиқтира олиндими, таълимда муаммоли вазият қўлланилдими, янги билимни ўзлаштирилиши текширилдими?
6. Кириш йўриқномасида ўқувчилар дарсда қандай иштирок этганлиги, улар пассив тингловчи ёки кузатувчи бўлганлиги, ўқитувчи уларни муаммолли вазиятларни ечишга жалб этганлиги таҳлил эилади.
7. Ўқувчиларнинг мустақил иши. Ўқувчилар ишини ташкил қилишнинг қандай шакллари қўлланди? Ўқувчилар қандай хатоларга йўл қўйди, булар типик хатоларми? Ўқитувчи ўқувчиларнинг хатоларига қандай муносабатда бўлди? Қандай жорий назорат ўтказилди? Улар олдиндан режалаштирилганми? Жорий назорат ўз вақтида ўтказилди, дейиш мумкинми? Дарс жараёнида ўқувчилар жисмоний дам олишлари учун танаффуслар режалаштирилганми, бу танаффуслардан ўқитувчи қандай фойдаланди? Ўқитувчи кучли ўқувчилар учун қўшимча топшириқларни назарда тутдими? Ўқувчиларда ўз-ўзини назорат қилиш малакаларини шакллантиришга етарлича эътибор берилганлиги каби масалалар ўрганилади.
8. Якунловчи қисм. Бу қисмга қанча вақт кетди, у нима ҳақида? Машғулот қанчалик чуқур ва тўлиқ якунланди? Типик хатолар кўрсатилиб, улар устида иш олиб борилганлиги.
9. Умумий хулоса. Дарс қандай элементлардан ташкил топди? Дарс типи. Ўқитувчи кўзлаган мақсадга эришдими?