Ўзбекистон Республикаси Халқ таълими вазирлиги Мактабгача муассасалар ходимларини қайта тайёрлаш ва малакасини ошириш республика ўқув-методика Маркази

2.2. Ота-оналар қуйидаги мажбуриятларни олади.
2.2.1.Махсус муассаса Устави талабларига риоя қилади;
2.2.2.Педагоглар билан келишмовчилик юзага келганда, болалар иштирокисиз зудлик билан ўз вақтида муассаса раҳбарияти билан ҳал қилади;
2.2.3.Болани махсус муассасага жойлаётганда, туман тиббий-психологик-педагогик-комиссиясининг хулосаси билан бирга яшаш жойидан ва ҳудудий шифохона дефектологи, психоневролог, кўз, қулоқ, бурун касалликлари шифокорларидан муҳрланган, штампланган ҳамда ота ёки онанинг иш жойидан маълумотнома, туғилганлик ҳақида гувоҳнома нусхаси, тиббий ривожланиш харитаси (барча тор мутахассислар кўриги натижаси) ёзилган ҳолда, бола мактабгача таълим муассасаларига қатнаган бўлса, унга берилган тавсифнома тақдим этилади;
2.2.4.Бола касалланган тақдирда, зудлик билан муассаса маъмурияти ёки тиббий ходимларга телефон орқали хабар бериш ва касалликдан сўнг ўз вақтида тиббий маълумотномани тақдим этади;
2.2.5.Яшаш жойи ёки телефонлари ўзгарган тақдирда, муассаса маъмуриятига хабар беради;
2.2.6.Махсус муассаса ходимларининг обрў-эътиборини ҳурмат қилади;
2.2.7. Дефектолог билан ҳамкорлик ишларини олиб боради. Ота-оналар учун уй вазифаси дафтарларини беради. Уйга берилган вазифаларни ўз фарзандлари билан тўлиқ бажариб келади ва вақтида дафтарини гуруҳга етказиб беради.


2.3. Махсус муассаса қуйидаги ҳуқуқларга эга:
2.3.1.Махсус муассаса ҳодимларининг обрў-эътиборини ҳимоя қилади.
2.3.2.Тиббий-психологик-педагогик-комиссияинг тавсиясига асосан болани гуруҳга тақсимлайди;
2.3.3.Махсус муассасага соғлом болалар қабул қилинмайди;
2.3.4.Болани оилада тарбиялаш бўйича таклифлар берилади.


2.4. Ота-оналар қуйидаги ҳуқуқларга эга:
2.4.1.Боланинг қонуний ҳуқуқ ва қизиқишларини ҳимоя қилади;
2.4.2.Махсус муассасанинг Устави билан танишади;
2.4.3.Махсус муассасанинг турли тадбирларида фарзанди билан биргаликда иштирок этади (болалар байрамлари, кўриклар, кўнгилочар соатлар, якуний ва очиқ машғулотлар ва ҳ.к)
2.4.4.Махсус муассасада фаолиятни такомиллаштириш юзасидан таклифлар киритади;
2.4.5.Шартномада белгиланган шартлар бўйича болага сифатли таълим–тарбия бериш, парваришлаш ва ҳурмат билан муносабатда бўлишни талаб қилади;
2.4.6.Махсус муассаса раҳбариятини 10 кун олдин хабардор қилган ҳолда шартномани муддатидан олдин бекор қилади.