Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Мақсад: Асарни кетма-кет ва аниқ қайта сўзлаб беришга ўргатиш. 
Вазифалар: 

Эртак мазмунини тушунишга ўргатиш. Ўз нутқларида содда, ѐйиқ 
гапларнинг турли хилларидан фойдаланиш. 

Овоз кучининг паст-баландлигини ўзгартиришни шакллантириш. 
Кутилаѐтган натижалар:

Болалар асарни қайта ҳикоя қилиб беришга ўрганадилар 

Ўз нутқларида содда, ѐйиқ гапларнинг турли хилларидан 
фойдаланишга ўрганадилар.  

Сўзларда "Ch " товушини мустаҳкамлаш. 

Керакли жиҳозлар: 

Мавзуга оид расмлар 
Машғулотнинг бориши. Болалар яхшилик қилиш деганини қандай 
тушунасиз? Қайси эртакларда ким-кимга яхшилик қилганини эслайсиз? Ҳозир мен 
сизга кабутарнинг Арига қилган яхшилиги ҳақида эртак ўқиб бераман. Агар 
яхшилаб эшитсангиз яхшилик қилиш албатта яхши натижа беришини, сизга ҳам 
яхшилик қайтишини билиб оласиз. (Тарбиячи масални ифодали қилиб ўқиб 
беради).
А.Авлоний. 
«Яхшилик ерда қолмас». 
Бир Ари сув устида учиб борур эди. Бирдан сувга йиқилиб кетди. қанотлари 
ҳўл бўлиб, учарга кучи етмади. Буни бир кабутар кўриб, Арига раҳми келиб, 
дарҳол бир чўпни тишлаб, сувга ташлади. Бечора Ари бу чўпни кема қилиб, сув 
балосидан қутилди. Орадан кўп ўтмади. Бир бола тузоқ қўйиб, кабутарни тутмоқчи 
бўлди. Ари буни кўрган замон келиб, боланинг қулоғини чақди. Бола оғриқнинг 
аламидан тузоқни ташлаб, қулоғини ушлади. Кабутар вақтни ғанимат билиб, учиб 
кетиб ўлимдан қутилди. 
Эртак бўйича саволлар: 
1. Нима сабабдан Ари сувга йиқилди? 
2. Ари қандай қилиб қутилди? 
3. Ари қандай қилиб Кабутарни ўлимдан қутқарди? 
Тарбиячи масални яна бир бор ўқиб беради, сўнгра 5-6 болалар ҳикояларини 
эшитади.
Тетиклаштирувчи машқ (Ихтиѐрий) 
Савод ўрганишга тайѐрлаш бўйича амалий машқ 
Сўзларда "Ch " товушини мустаҳкамлаш. 
Чумчуқ-ой боласини, 
Чақириб ―чиқ-чиқ‖лайди. 
Чатоқ мушук кўрмасин, 
Чиқ уйга, ―чиқ-чиқ‖лайди.