Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Савод ўрганишга тайѐрлаш бўйича амалий машқ 
Болалар, мен сизга дўстлик ҳақида бир ҳикматли сўз айтмоқчиман, эшитинг:
Дўст-дўстни кулфатда синар. 
(Тарбиячи ҳикматли сўзга мос бир неча сурат кўрсатиб, ҳикматли сўзни
муҳокама қилиши мумкин) 
Тарбиячи ҳикматли сўзни паст, баланд овозда айттириб, машғулотни якунлаши 
мумкин. 
Болалар билимини текшириш ва мустаҳкамлаш учун саволлар: 
-Икки дўст қаерга чиқишибди? 
-Улар нимани кўриб қолишибди? 
-Дўстлар нима иш қилишди? 
-Йўлбарс нима қилди? 
-Ўртоғи дарахтдан тушиб, дўстидан нимани сўради? 
-Ўртоғи нима деб жавоб берди? 
-Қандай ҳикматли сўзни ўргандик? 
37- машғулот 
Мавзу: Қишки кийимларни тасвирлаш.
Мақсад: Қишги кийимларни тасвирлашга ўргатиш. 
Вазифалар: 

Кийим ҳақидаги тушунчаларни мустаҳкамлаш, қишки кийимлар ҳақидаги 
билимларни мустаҳкамлаш. 

Жумлани тўғри тузишларига эътибор бериш. 

„R" товушини тўғри талаффуз этиш. 
Кутилаѐтган натижалар:
Қишги кийимларни тасвирлашга ўрганадилар 
Грамматик жиҳатдан тўғри сўзлашга интилади 
Керакли жиҳозлар: 

---

54 
Қўғирчоқ, кийимлар 
Машғулотнинг бориши. 
Болалар, ҳозир мен сизга бир шеър айтаман. Бу шеьрни Ҳамидулла Ёқубов ѐзган.
Қор, қор, қорлар,
Атроф порлар,
Йилт-йилт нурдек
Оппоқ ундек...
Бу шеърда қайси фасл ҳақида гапириляпти? (қиш). Нима учун сиз қиш фасли деб 
ўйлаяпсиз? (қор, қор, қорлар, атроф порлар) Ким қиш фаслини яхши кўради. Нима 
учун? (қорбобо ясаймиз, чанада учамиз) 
Энди мендан сўранглар-чи, мен нима учун қиш фаслини яхши кўрар эканман? 
(болалар савол беришади, тарбиячи жавоб қайтаради) 
— Қишда ташқари совуқ бўлади, бундай вақтда одамлар қандай кийинишади? 
Биз ҳозир қўғирчоғимизни сайрга олиб кетмоқчи эдик. У совқатмаслиги учун 
қандай кийинтиришни айта оласизми? (иссиқ). 
Болалар айтган кийимларини тарбиячи намойиш этади. Болалар эса уларни ранги, 
вазифаси ҳақида гапириб беришлари керак. 
Болалар, сизда қандай қишки кийимлар бор? (рўмол, телпак, қалпоқ, қўлқоп, иссиқ 
камзул, пальто). 
(2 — 3 боланинг жавоби тингланади).