Жисмоний дақиқа:
Арра ғирр-ғирр (арралаш ҳаракати кўратилади).
49
Арра ғирр-ғирр,
Сен торт, мен торт
Қилмаймиз,
Чарчаш нима билмаймиз.
Уюм-уюм ўтин ѐр (ѐриш ҳаракати бажарилади),
Юзимизда маржон тер.
– Болалар, мана бу ерда расмлар жуда кўп, номида ―R‖ товуши бор нарсаларнинг
расмларини 1-гуруҳ болалари, номидаги ―L‖ товуши бор нарсаларнинг
расмларини 2-гуруҳ болалари йиғадилар ва номлайдилар.
– Жуда яхши, расмларни тўғри йиғиб олдингиз.
Топшириқ бажарилгач, болалар рағбатлантирилиб, машғулот якунланади.
Болалар билимини текшириш ва мустаҳкамлаш учун саволлар :
-Қани қарғалар қандай товуш чиқардилар?
– Кучукчалар қандай ирилладилар? (rrrrrrr)
-Расмларни номланг.
34-машғулот
Мавзу: Топишмоқ ва тез айтишлар орқали нутқда айрим товушлар
талаффузини машқ қилдириш.
Мақсад: Болаларда ўзига нисбатан ҳурмат ҳиссини ривожлантириш, уларнинг
диққатини ўстириш, хотирасини мустаҳкамлаш, сўз бойлигини ошириш, нутқ
суръатини тезлаштириш, овоз оҳангини машқ қилдириш.
Вазифалар: Болаларни расмларда тасвирланган нарсаларнинг таърифига кўра
топишмоқлар жавобини топишга, тез айтишларни бир нафасда айтишга ўргатиш.
Кутиладиган натижалар: Болаларда топишмоқларни расмларга қараб топиш ва
тез айтишларни бир нафасда тўғри айтиш малакаси ҳосил бўлади.
Керакли жиҳозлар: рангли расмлар, сандиқча ва ракета макети.
Машғулотнинг бориши:
Тарбиячи: – Болалар, бугун сизлар билан топишмоқлар салтанатига йўл оламиз
ва ақлимизни чархлаймиз.
– Халқимизда айтишларича:
Ақлингни ҳар чоғ,
Чархлар топишмоқ.
– Болалар, топишмоқни топишга тайѐрмисиз? Унда бошладик.
– Болалар, топишмоқлар салтанатига ракетада учиб борасак-чи, тез ва ажойиб
саѐҳат бўларди.
– Ракетамизда парвоз этишда ким ўзи билан нималар олиб кетмоқчи? Нима учун?
– Мен нон олиб кетмоқчиман, чунки қорним очиб қолса, ейман.
– Сен-чи? ....
Шу тариқа савол-жавоб давом эттирилади.
– Ундай бўлса, ҳамма тайѐрми? (―у-у-у‖ деган товуш пастроқ, сўнгра баландроқ
айтилади, қўллар юқорига кўтарилади).
– Болалар, топишмоқлар салтанатига етиб келдик, аммо эшиклари қулф экан, агар
сизлар битта тез айтишни тўғри айтиб берсангиз, эшиклар очилади.
– ―Қалин қорга қора қарға,
Зўрға қўнди, ана қара‖
– Ана болалар, эшиклар очилди.
50
– Марҳамат, киринглар.
– Ия, қаранглар, бу ерда ҳар хил расмлар бор экан, улар албатта бирор
топишмоқнинг жавоби бўлса керак.
– Мен сизларга топишмоқ айтаман, шу расмлар орасидан жавобини топасиз.
Кенг фазони қучади.
Ойлаб, йиллаб учади. (Ракета)
Қоғозни қоралайди,
Ҳарфни саралайди. (Ручка)
Эрта турар жар чиқарар.(Хўроз)
Бир саф унинг тишлари,
Кесиш бўлиш ишлари. (Арра)
Эрта баҳор кулади,
Совуқ тушса тўкилади. (Барг)
– Болалар, топишмоқларнинг жавобини расмлар орасидан тўғри топиб
бердингиз.
―Эслаб қол ва такрорла‖ ўйинини ташкил этиш.
Тарбиячи: Энди доира бўлиб турамиз, топишмоқларимизни яна бир марта
такрорлайман, сизлар эса уларни тўғри кетма-кетликда қайтарасиз ва жавобини
эслаб топасиз.
– Баракалла, бу салтанатда шеърий топишмоқлар ҳам бор, бир уриниб кўринг-чи,
топа оласизми?
Ўзи қизил, оғзи бор,
Гулламайди, нози бор,
Юмалоқ ҳам япалоқ,
Барги катта, шапалоқ.
Ким топади, ким абжир?
Буми, опажон... (анжир)
Юзида ниқоби бор,
―Туя тиши‖ номи бор.
Ўзи нордон ҳам ширин,
Бунда ҳикмат яширин.
Айтақолгин-чи, ўртоқ?
Буми опажон .... (анор)
– Тўғри, энди эса мана бу ерда сирли сандиқча бор, унинг ичидаги нарсани ҳам
топишимиз керак?
―Таърифига кўра топ‖ ўйинини ўтказиш.
– Диққат билан қулоқ солинг. Болалар бугун сизлар билан ―Топишмоқлар
салтанатига бордик‖, у ерда топишмоқлар топдик. Энди эса уйга йўл оламиз ва
ракетамизга ўтирамиз.
– Қани, бу салтанатдан ким нима олиб кетяпти?
Болалар жавоб берадилар.
Болалар рағбатлантирилади ва машғулот якунланади.
51
Do'stlaringiz bilan baham: |