Ўзбекистон республикаси фанлар академияси

Тадқиқот мақсади.
Маданий ўсимликларнинг ташқи мухит биотик омилларига 
мослашишда физиологик ва биокимёвий механизмларини мукаммалроқ ўрганиш. 
Тадқиқот натижалари
.
 
Ўсимлик хўжайрасининг ноқулай омилларга жавоб реакцияси 
сифатида физиологик қўзғалишдан бошланади. Бу қўзғалиш ҳолатида ўсимлик тўқималарида 
моддалар алмашинувини секинлаштирувчи этелин ва абцизин кислотаси каби гармонлари 
кўпайиши туфайли бошланади ва стресс оқсиллар ҳосил бўла бошлайди. Яъни бу ҳимоя 
воситалари мумлар, фитоалекцинлар, токсинлар ва химоя оқсилларининг синтезланиши 
кўринишида бўлади. Физиологик ва биокимёвий жиҳатидан ўсимликлар тўқималарида 
ферментлар миқдори ва фаоллигига боғлиқдир. 
Ферментлар бир турда, бир тўқимада, ҳатто бир хўжайранинг ўзида ҳам бир-биридан 
фарқладиган иккита ва ундан ортиқ шаклларда учраши аниқланган. Бу ферментлар айни битта 
реакцияни катализ қилсалар ҳам бир-бирларидан субстратга яқинликлари, таъсирнинг 
оптимуми, катализ қиладиган реакциянинг энг юқори суръати ёки регулиланиш 
хоссаларибўйича ўзаро фарқланадилар. Ферментларнинг изоферментлар ёки изозимлар деб 
аталадиган бундай кўп шаклли вариантлари оқсил молекуласининг бирламчи структурасида 
наслий фарқ бўлишидан келиб чиқади. Олигомер тузилишга эга изоферментларнинг бир ажйиб 
хусусиятлари бор: бутун комплекснинг фаоллиги айрим суббирликларнинг бир-бирга нисбатан 
жойлашишига боғлиқ. Ферментлар хўжайрада тўхтовсиз алмашиниб туради, синтезланади ва 
парчаланади. Ферментларнинг биосинтези, умуман, оқсил, каби генетик код томонидан назорат 
қилинади. Бундан ташқари фермент синтезига турли метоболитлар (ҳўжайра метоболизмининг 
махсулотлари) гармонлар таъсир этади. Бу жараённинг суръати ферментлар фаоллигини 
бошқаришнинг асосий механизмларидан биридир. Энзим мураккаб оқсил бўлганидан унинг 
простетик группаси ҳам синтез қилиниши лозим. Кўп ҳолларда организмлар асосан, ҳайвонлар 
ва микроорганизмлар ҳамма простетик группаларни моддаларда синтез қила олмайди. Бундай 
ҳолатларда фаол ферментларнинг ҳосил бўлиши учун овқат билан витаминлар берилиши 
лозим. Маълумки микроорганизмлар ўзи ўсаётган мухитнинг ўзгаришига осонгина мослашади. 
Муҳитга янги субстрат киритилганда агар муҳитда бошқа одатий овқат моддалар масалан 
глюкоза кам бўлса, хўжайрада янги киритилган субстратни хазм қиладиган ферментлар 
жадаллашади. Бу ҳодиса ферментларнинг индукция ( қўзғалиш) ёки мослашиши (адаптация) 
туфайли пайдо бўлиши дейилади. Аммо организм мутлақо йўқ ферментнинг янги синтезини 
бошлай олмаслиги маълум бўлди., чунки бунинг учун зарур генетик информация йўқ, 
бинобарин, индукция кам миқдорда бўлса ҳам бу хўжайрада синтезланадиган фермент ишлаб 
чиқарилишининг кучайишидан иборат. 

---

70 
Биологик эволюция жараёнида гулли ўсимликлар ва хашоратлар бир вақтда 
ривожланган ва бир-бирига мунтазам таъсир қилиб турган. Аммо кўпчилик ўсимликлар 
хашоратлар учун овқат хисобланади. Шунинг учун ўсимликларда хашоратлар учун захарли 
бўлган бир неча моддалар синтезланиш механизмлари шаклланган. Ўсимлик тўқималари 
зарарланганда цианоген гликозидлари парчаланади ва захарли калий цианид ажралади. 
Протиенлар таркибига кирмайдиган аминокислоталарнинг токсиклиги шундаки, улар бошқа 
аминокислоталарнинг ўрнига оқсиллар таркибига киради ва уларни зарарлайди. Протеаза 
ингибиторлари 
ўсимлик 
тўқималарида 
муқобил 
шароитда 
учрамайди. 
Протеаза 
ингибиторларини кодловчи генларнинг экспрециясининг кучайиши ўсимликлар механик 
зарарланганда юз беради ва асосан иккита гармон таъсирида назорат қилинади; жасмон 
кислотаси ва унинг метил эфирлари ўсимлик хўжайралари зарарланганда мембраналар 
зарарланишидан ҳосил бўладиган фосфолипидлар хосиласи ленол кислотасидир [2]. 
Юқоридаги жараёнда хосил бўлган жасмонат кислотаси эндоген ҳолатда флоэма тўқималари 
бўйлаб, ўсимликнинг зарарланмаган тўқималарига тарқалса, метилжасмонат учувчан модда 
бўлганлиги сабабли, экзоген ҳолатида ҳаво йўллари бўйлаб тарқалади. Ва бошқа ўсимликларга 
хавф ҳақида хабар беради. Касаллик ва ҳашоратларга чидамли ўсимлик навлари барг 
тўқималари рецепторлари фаол фаолияти натижасида протеаза ферменти ингибаторлари 
синтезини кодлайдиган генларнинг фаоллашувига олиб келадиган бошқа бир гармон – жасмон 
кислотасининг синтезланишига туртки беради. 
Кўпчилик дуккакли ўсимликларда крахмал парчаловчи фермент α-амилазанинг 
ингибатори мавжуд, бошқа бир қанча ўсимликларда эса ҳимоя воситалари сифатида оқсил-
лектинларни синтезлайди [3]. Лектинлар хашоратлар овқати таркибидаги углеводлар ва 
гликопротиедлар билан бирлашиб, уларни хазм бўлмайдиган холга ўтқазади. Натижада 
хашоратлар истеъмол қилган озиқаси таркибидаги оқсиллар протеаза ферменти томонидан тўла 
парчаланмаганлиги сабабли, хўжайин ҳаёти учун зарур бўлган эркин аминокислоталар хосил 
бўлмайди. Шунинг билан биргаликда, хашоратлар ошқозонида хазм бўлмаган озиқ миқдори 
ортиб кетади ва бу ўз навбатида чўзилишга хос механик рецепторларни фаоллаштиради, ҳамда 
хашоратлар овқат билан тўйганликка оид бўлган сезгирликни юзага келишига олиб келади. 
Натижада иммун системаси кучли тараққий этган ўсимлик билан озиқланган хашоратларда 
ўсиш ва ривожланиш жараёнлари бирданига сусайиб кетади, хашорат нобут бўлади.