Ўзбекистон республикаси фанлар академияси

Тадқиқот натижаларининг илмий ва амалий ахамияти. Илмий тадқиқот натижалари Қашқадарё вилояти шароитида ёнилғи-энергия ресурсларини тежайдиган қуёш энергияси ва иккиламчи энергия ресурсларидан фойдаланиладиган гелиоиссиқхоналарни лойихалаш ва татбиқ қилиш учун илмий асосланган дастлабки маълумотлар олиш имконини беради;
Республика фермер хўжалиқлари ва иссиқхоналарида 40-45% ва 1 м² иссиқхона юзасидан 30-32 кг ёнилғи тежашни таъминлайди;
- суглинка тупроғининг тажрибада аниқланган иссиқлик-физикавий характеристикалари республика жанубида суғоришдаги иссиқлик-масса алмашинувини ҳисоблашда қўлланилиши мумкин.
Иссиқлик чиқиндиси билан иситиладиган тупроқ ости суғориш ва иссиқликни жамловчи тизимли гелиоиссиқхонада 11 15% иш унумдорлиги ортади, 30% суғориш суви ва 0,61 м³ /м² ёнилғи (табиий газ) тежалади.
-олинган тадқиқот натижаларидан гелиоиссиқхоналарни иситиш тизимида ва бошқа гелиоэнергетик қурилмаларни лойиҳалашда фойдаланиш мумкин.
Натижаларнинг жорий қилиниши. Қарши Давлат университетининг гелиополигонида 200 кв. метр майдонли чиқинди иссиқликдан фойдаланиладиган иссиқлик жамловчи тизимли гелиоиссиқхона қурилган ва Шаҳрисабз туманидаги “Эсонов Башир” фермер хўжалигида ҳам татбиқ қилинган.
Ишнинг синовдан ўтиши. Бажарилган тадқиқотлар натижалари қуйидаги анжуманларда маъруза қилинган: «Физиканинг фундаментал ва амалий масалалари» халқаро конференцияси, Тошкент, 2003 й; «Қайта тикланадиган энергия манбалари ва гелиоматериалшунослик» халқаро конференцияси, Тошкент 2005 й., «Инновация–2006» халқаро илмий–амалий конференцияси, Тошкент–2006 й., “Молекуляр спектроскопия бўйича халқаро конференция”. Самарқанд 2006 й., «Альтернатив энергетика ва энергия хавфсизлиги муаммолари» халқаро илмий – техник конференция. Бишкек 2008 й., «Инновация–2008» халқаро илмий–амалий конференцияси – Тошкент 2008 й. «Альтернатив энергия манбаларидан фойдаланилганда энергияни тежаш: муаммолар ва ечимлар» Республика илмий–амалий конференцияси. Қарши ДУ, Қарши. 2008 й. декабр.