Ўзбекистон республикаси фанлар академияси

Тадқиқот объекти ва предмети: иссиқлик чиқиндиларидан фойдаланадиган бир ва икки қатламли шаффоф тўсиқли, қуёш нурланиш иссиқлигини ва кичик қозон тутун газларини иссиқлигини жамловчи қурилмали гелиоиссиқхоналар.
Тадқиқот услублари. Ишда математик моделлаштириш, иссиқлик- техникавий ҳисоб ва тажриба, ўхшашлик ва ўлчамликлар назарияси методи, бундан ташқари иссиқхоналарнинг иссиқлик режимини тадқиқ қилишда аналитик усуллар, чекли айирмаларга асосланган сонли методлардан фойдаланилди.
Тадқиқот гипотезаси. Иссиқлик чиқиндиларидан фойдаланиладиган қуёш иссиқхонасининг энергетик ва иссиқлик-техникавий параметрларини оптималлаш учун аналитик-ҳисоб методи қўлланилди. Иш адабиётлар материалларини умумлаштириш ва таҳлил қилиш, табиий шароитда лаборотория-машина экспериментлари, метеорологик ва актинометрик кузатишлар асосида бажарилди.
Эксперимент натижалари замонавий математик моделлаштириш, ўлчаш ва хисоблаш воситаларини қўллаш ёрдамида ишланди.
Иссиқлик чиқиндилари утилизация қилинадиган қуёш иссиқхонасининг ҳарорат-радиацион режими табиий шароитларда хисоб-тажриба усули ёрдамида ўрганилди.
Химояга олиб чиқилаетган асосий ҳолатлар:
-иссиқлик чиқиндиларидан фойдаланиладиган қуёш иссиқхонасининг иссиқлик энергетик самарадорлигини аниқлаш ва параметрларини оптималлаш, иссиқлик-техникавий ҳисоблаш методикаси;
- чиқинди тутун газларининг қувурнинг исталган кесимидаги ҳароратини, газ-ҳаво аралашмаси (иссиқлик ташувчи) ҳароратини иссиқлик жамловчи канал узунлиги бўйлаб ўзгаришини ҳисобловчи тенгламалар;
-қуёш иссиқхонасида харорат, тезлик ва ёритилганликнинг тақсимланишини аниқлаш имконини берадиган радиацион-конвектив иссиқлик алмашинувининг математик модели;
- тутун газлари билан қиздириладиган тупроқ ости иссиқлик аккумуляторларининг принципиал схемаси ва гелиоиссиқхона тупроғидаги қувурлар қаторида иссиқлик узатишнинг ҳисоб схемаларини ишлаб чиқиш бўйича тадқиқот натижалари;
-илмий-назарий ишланмалардан - иссиқхонада ва иссиқлик жамловчи каналларда ўхшашлик назарияси асосида иссиқлик беришни жадаллаштириш, ва тузилган иссиқлик-масса алмашинуви тенгламалар системасининг ечими.