Ўзбекистон республикаси бухгалтерия хисобининг миллий стандарти

2-§. Сотилган махсулот (товар, иш, хизмат)ларнинг
таннархини хисобга олувчи счётлар (9100)


381. Сотилган тайёр махсулотлар, товарлар, бажарилган ишлар ва кўрсатилган хизматларнинг таннархи тўгрисидаги ахборотларни умумлаштириш куйидаги счётларда амалга оширилади:
9110 “Сотилган тайёр махсулотларнинг таннархи”;
9120 “Сотилган товарларнинг таннархи”;
9130 “Бажарилган иш ва кўрсатилган хизматларнинг таннархи”;
9140 “Даврий хисобда ТМЗ сотиб олиш / харид килиш”;
9150 “Даврий хисобда ТМЗ бўйича тузатишлар”.


382. Тайёр махсулотлар, товарлар, ишлар, хизматлар сотилганда, сотилган тайёр махсулотлар, товарлар, ишлар, хизматларнинг таннархи 9110 “Сотилган тайёр махсулотларнинг таннархи”, 9110 “Сотилган товарларнинг таннархи”, 9130 “Бажарилган иш ва кўрсатилган хизматларнинг таннархи” счётларининг дебетида тайёр махсулотларни (2800), товарларни (2900) хисобга олувчи счётлар билан богланган холда акс эттрилади.
383. Хисобот даврининг охирида 9110 “Сотилган тайёр махсулотларнинг таннархи”, 9120 “Сотилган товарларнинг таннархи”, 9130 “Бажарилган иш ва кўрсатилган хизматларнинг таннархи” счётлари 9910 “Якуний молиявий натижа” счёти билан ёпилади.
384. Сотилган махсулот (товар, иш, хизмат)ларнинг таннархини хисобга олувчи счётлар (9100)дан амалда фойдаланиш корхонада кўлланиладиган товар-моддий захираларнинг хисоб усулига, яъни товар-моддий захираларнинг узлуксиз ёки даврий хисобига боглик.
385. Товар-моддий захираларни узлуксиз хисобга олиш усули кўлланилганда хар бир махсулот ёки товарнинг таннархи унинг ишлаб чикариш жараёнидаги харакатига караб харажатларни хисобга олувчи счётларда тўпланади.
386. Товар-моддий захираларни даврий хисобга олиш усулидан фойдаланилганда хар бир махсулот (товар)нинг таннархи хисобот даври давомида вактинчалик 9140 “Даврий хисобда ТМЗ сотиб олиш / харид килиш” счётида йигилади, бирок сотилган махсулотлар, товарларнинг хакикий таннархини факат ТМЗ инвентаризация килингандан сўнг аниклаш мумкин. 9150 “Даврий хисобда ТМЗ бўйича тузатишлар” счёти - хисобот даврининг охирида инвентаризация натижасида ТМЗни мавжудлигини акс эттириш учун фойдаланиладиган вактинчалик счёт. Кўрсатилган счётнинг дебети бўйича ТМЗнинг камайиши, кредити бўйича ТМЗнинг ўсиши ТМЗни хисобга олувчи счётлар (1000-2900) билан богланган холда акс эттирилади.