Ўзбекистон республикаси бухгалтерия хисобининг миллий стандарти

13-§. Вактинчалик солик имтиёзлари
(турлари бўйича) (013)

448. 013 “Вактинчалик солик имтиёзлари (турлари бўйича)” счёти вактинчалик солик солишдан озод этилган, максадли ишлатилиши кўзда тутилмаган бўшаган маблагларнинг мавжудлиги ва харакати тўгрисидаги ахборотни умумлаштириш учун мўлжалланган.

Бюджетга тўловнинг хар бир тури бўйича хисобланган бўшаган маблаглар суммаси 013 “Вактинчалик солик имтиёзлари (турлари бўйича)” счётининг дебетида акс эттирилади.
013 “Вактинчалик солик имтиёзлари (турлари бўйича)” счётида хисобга олинган бюджетга мажбурий тўловлар ва соликлар бўйича хисобланган сумма “Молиявий натижалар тўгрисидаги хисобот” (2-сонли шакл)да акс эттирилмайди ва мос равишда молиявий натижаларнинг шаклланишига таъсир этмайди.
013 “Вактинчалик солик имтиёзлари (турлари бўйича)” счётидан солик солишдан озод этилиши натижасида бўшаган маблаглар суммаси имтиёз берилган даврининг тугаши билан хисобдан чикарилади.
Бунда, бўшаган маблаглар тўгрисидаги маълумот имтиёз муддатининг тугаши билан хисобдан чикарилгандан кейин корхонада 5 йил давомида сакланиши лозим.


14-§. Фойдаланишдаги инвентар
ва хўжалик жихозлари (014)

449. 014 “Фойдаланишдаги инвентар ва хўжалик жихозлари” счёти фойдаланишдаги инвентар ва хўжалик жихозларининг мавжудлиги ва харакати тўгрисидаги ахборотларни умумлаштириш учун мўлжалланган.

Инвентар ва хўжалик жихозларини фойдаланишга бериш вактида уларнинг киймати тўлик ишлаб чикариш харажатлари ёки давр харажатларига олиб борилади ва бир вактнинг ўзида 014 “Фойдаланишдаги инвентар ва хўжалик жихозлари” счётида акс эттирилади.
Инвентар ва хўжалик жихозлари кейинчалик фойдаланиш (ишлатиш)га яроксиз бўлган холда уларнинг 014 “Фойдаланишдаги инвентар ва хўжалик жихозлари” счётидан хисобдан чикарилиши тегишли тартибда расмийлаштирилган хисобдан чикариш далолатномаси асосида амалга оширилади.
Фойдаланишдаги инвентар ва хўжалик жихозларининг сакланишини таъминлаш максадида 014 “Фойдаланишдаги инвентар ва хўжалик жихозлари” счёти бўйича аналитик хисоб якка тартибда фойдаланувчилар ва цехлар омборлари оралигида юритилади.