Ўзбекистон республикаси бухгалтерия хисобининг миллий стандарти

5-§. Номоддий активлар амортизациясини хисобга олувчи счётлар (0500)

48. Мулкчилик хукуки корхонага тегишли бўлган номоддий активлар объектлари бўйича жамланган амортизация тўгрисида маълумотлар куйидаги счётларда умумлаштирилади:

0510 "Патентлар, лицензиялар ва ноу-хаунинг амортизацияси";
0520 "Савдо маркалари, товар белгилари ва саноат намуналарининг амортизацияси";
0530 "Дастурий таъминотнинг амортизацияси";
0540 "Ер ва табиат ресурсларидан фойдаланиш хукукларининг амортизацияси";
0550 "Ташкилий харажатларнинг амортизацияси";
0560 "Франчайзнинг амортизацияси";
0570 "Муаллифлик хукукларининг амортизацияси";
0590 "Бошка номоддий активларнинг амортизацияси".

49. Номоддий активлар амортизацияси Ўзбекистон Республикаси Солик кодекси (Ўзбекистон Республикаси Олий Мажлиси палаталарининг Ахборотномаси, 2007 йил, 12-сонга 1-илова) ва Ўзбекистон Республикаси молия вазирининг 2005 йил 25 майдаги 35-сон буйруги билан тасдикланган Бухгалтерия хисобининг миллий стандарти (7-БХМС) "Номоддий активлар"да (2005 йил 27 июнда 1485-сон билан рўйхатдан ўтказилган) ("Ўзбекистон Республикаси конун хужжатлари тўплами", 2005 йил, 25-26-сон, 188-модда) назарда тутилган усулларга мувофик, корхона томонидан хисоблаб чикилган меъёрлар бўйича ойма-ой тегишлилигига караб таннархга ва давр харажатларига киритилади. (ЎзР АВ 25.05.2009 й. 1181-2-сон билан рўйхатга олинган ЎзР МВ Буйруги тахриридаги банд), (Олдинги тахририга каранг)

50. Номоддий активларга хисобланган амортизация суммаси харажатларни хисобга олувчи счётларнинг дебети ва (0500) номоддий активлар амортизациясини хисобга олувчи счётларнинг кредитига олиб борилади.

51. Номоддий активларнинг чикиб кетиши (сотилиши, текинга берилиши ва бошкалар)да улар бўйича хисобланган эскириш суммаси (0500) номоддий активлар амортизациясини хисобга олувчи счётларнинг дебетидан 9220 "Бошка активларнинг чикиб кетиши" счётининг кредитига хисобдан чикарилади.

Номоддий активлар амортизациясини хисобга олувчи счётлар (0500) бўйича аналитик хисоб номоддий активларнинг турлари ва алохида объектлари бўйича юритилади.
52. Номоддий активларнинг амортизациясини хисобга олувчи счётлар (0500)нинг богланиши