Ўзбекистон республикаси банк-молия академияси

3-расм. АҚШ давлат бюджети тақчиллигининг динамикаси (млн.$), https://tradingeconomics.com.

4-расм. АҚШ ташқи қарзининг динамикаси (млн. $), https://tradingeconomics.com.
АҚШнинг 2020 йил декабр ойида ташқи қарзи 21 358,3 млрд. АҚШ долларга етган бўлиб, йилнинг аввалги чорагида 21 314,7 млрд. АҚШ долларни ташкил этган (4-расм).

5-расм. 2016-2020 йилларда Россия федерал бюджети ижроси кўрсаткичларининг динамикаси, ЯИМ фоиз да,https://minfin.gov.ru.
Россия федерал бюджети тақчиллиги 2020 йилга келиб ЯИМга нисбатан 3,8 фоизни ташкил этган бўлиб, даромадларни пасайиши ва бюджет харажатларини ўсиши билан изоҳланади (5-расм).

6-расм. Россия федерал бюджет даромадларининг умумий ҳажмида нефт-газ ва бошқа тармоқ даромадларининг нисбати (фоиз),https://minfin.gov.ru.
2020 йилга келиб федерал бюджет даромадларининг умумий ҳажмида нефт-газ тармоғига тушган даромадларни улуши 28 фоизгача қисқарган (6-расм).
Қозоғистонда 2012-2020 йиллар давомида давлат бюджет даромадлари ЯИМнинг 27 фоизидан 17 фоиз гача камайган, харажатлар эса ЯИМинг 20 фоизидан 25 фоизигача ўсган. Қозоғистон давлат бюджетининг асосий даромад манбаи солиқ тушумларидир. Қайд этиш керакки, 2018-2019 йилларда бюджет даромадларининг учдан бир қисмидан кўпроғини Миллий фонддан трансфертлар ташкил қилган. Бюджет харажатлар қисмининг ўсиши биринчи навбатда, ижтимоий соҳани молиялаштириш ҳажмининг ортиши билан боғлиқ бўлиб, давлат қарзи фоизлари эса бюджетга сезиларли таъсир кўрсатмасдан, ЯИМнинг атиги 0,5–1,2 фоизни ташкил этган. 2020 йилда бюджет даромадларининг пасайиши, биринчи навбатда COVID-19 пандемиясига қарши кураш доирасида жорий этилган иқтисодий фаолиятга нисбатан чекловлар туфайли солиқ тушумларининг камайиши билан боғлиқдир. Давлат харажатларини ошишининг таркибий қисмлари соғлиқни сақлаш ва ижтимоий соҳаларга тўғри келади.

7-расм. Қозоғистон давлат бюджетининг параметрлари,
2016-2020 йй., https://raexpert.ru.
Қозоғистон марказий ҳукуматининг давлат қарзи ўтган йиллар мобайнида паст даражада сақланиб қолган бўлиб, 2020 йилда ЯИМ нисбатан 23,4 фоизни (консолидациялашган қарз ЯИМнинг 28 фоиз) ташкил этган. Давлат қарзининг тахминан 60 фоиз ички қарз, 40 фоиз ташқи қарзлардир.