Ўзбекистон республикаси банк-молия академияси

3.4. Тадқиқотни ўтказиш учун зарур шароитлар
Тадқиқот мавзуси юзасидан илғор хорижий мамлакатлар тажрибасини ўрганиш, бюджет тақчиллигини юзага келиш ва бартараф этиш жараёнлари ва бошқа тегишли маълумотлар олиб ўрганилган ва таҳлил қилинган. Бунинг учун илмий тадқиқотлар, хорижий давлатлар, халқаро ташкилотлар, Ўзбекистон Республикаси Молия вазирлиги, Давлат статистика қўмитаси ва интернет манбалардан олинган маълумотларидан фойдаланилган.
3.5. Тадқиқот жараёнида кутилаётган муаммолар ва уларнинг ечими
Тадқиқот натижаларининг илмий янгилиги хорижий давлатлар тажрибасида бюджет тақчиллигини амалдаги ҳолати ва мавжуд муаммолар ўрганилган ҳамда бартараф этиш йўналишлари кўриб чиқилган. Шунингдек, давлат бюджети тақчиллигини юзага келишига омилларнинг таъсири баҳоланган. Хусусан, давлат бюджети тақчиллигини бартараф этишда илғор хорижий тажрибадан фойдаланиш масалалари кўриб чиқилган. Давлат бюджети тақчиллигини бошқаришнинг самарали амалга ошириш механизмларининг муҳим жиҳатлари назарий асосланган ҳамда давлат бюджети тақчиллигини молиялаштириш тартибини такомиллаштириш йўналишлари ишлаб чиқилган.
Тадқиқот мавзуси бугунги кунда мамлакатимиз учун ўз ечимини топмаган долзарб масала ҳисобланади ва шу сабабдан тадқиқот жараёнида ривожланган ва ривожланаётган мамлакатларнинг тажрибасига таянган ҳолда мавзуга илмий ёндашув асосида иккиламчи маълумотларга таяниб таҳлил қилинган.
3.6. Тадқиқотдан кутилаётган илмий ва амалий натижалар
Тадқиқот натижасига кўра, давлат бюджети тақчиллигидан юзага келадиган салбий ҳолатлар боғлиқ муаммоларнинг ечимидаги ёндашувлар илмий жиҳатдан асосланди, ушбу йўналишда илғор мамлакатларнинг тажрибаси назарий ва амалий ўрганилган ҳамда бюджет тақчиллигини молиялаштиришнинг амалдаги ҳолати таҳлил қилинган.
Тадқиқотдан кутилаётган амалий натижалар бюджет тақчиллигини бартараф этишнинг янада самарали механизмини ишлаб чиқиш учун илмий – услубий базани такомиллаштириш бўйича амалий тавсияларни ишлаб чиқишдан иборат.