Ўзбекистон республикаси банк-молия академияси

54
Ҳасан Ўткирович Раҳматов
ажратган ҳолда ишлаб чиқди. Молиявий бошқарув ва 
назоратни яхшилаш чора-тадбирлари кредитлар рей-
тинги билан шуғулланувчи ташкилотлар ўртасидаги ни-
золарни бартараф этиш ҳамда инвесторлар томонидан 
текшириш ларни такомиллаштиришни назарда тутади.
Молиялаштириш механизмларини такомиллаштириш- 
да эса, кредитлаш тизимини аъзо давлатлар талаблари ва 
ўзгарувчан бозор шароитларига мослаштирилади, яъни 
соддалаштирилади. 
Халқаро ҳамкорликни ривожлантириш чора-тадбир-
ларида кредитлаш жараёнида ривожланаётган мамла-
катларнинг овозлар улушини ошириш, ривожла ниши 
паст мамлакатларнинг овоз бериш ҳуқуқини кенгайти-
риш масалалари белгиланади.
Хориж банкларида қарз олувчилар молиявий ҳо-
латини баҳолаш, қарз олувчилар фаолияти тўғриси-
даги маълумотларнинг ишончли манбасини шакллан-
тириш механизмларини такомиллаштиришга жиддий 
эътибор берилмоқда. Жумладан, Россия банки 2014 йил
29 мартдан бошлаб мижозларни уларга хизмат кўрса-
тишдан олдин идентификациялашга оид қўшимча талаб-
ларни ўз ичига олган кўрсатмани кучга киритди. Унга 
мувофиқ, юридик шахс ва якка тадбиркорлар хизмат 
кўрсатувчи банкка молия-хўжалик фаолиятидан мақсад 
ҳақидаги, ташқи савдо операциялари, асосий ҳамкор-
лари тўғрисидаги маълумотлар кабиларни тақдим эта-
дилар. Банклар ҳам, мижозлари ҳам халқаро ва миллий 
рейтинг агентликлари расмий сайтларида жойлаштирил-
ган компания рейтинглари, Интернетда жойлаштирилган 
ижроия ҳокимияти федерал органларининг очиқ маълу-
мотлари манбаларидан фойдаланишлари зарур
40
.
Кредит ахбороти алмашинуви тизими замонавий 
ишбилармонлик оламида молиявий инфратузилманинг 
энг қизиқарли ва тез суръатларда ривожланаётган 
унсурларидан бири ҳисобланади. 
40 
http://lexandbusiness.ru расмий сайти маълумотлари.

---

55
Ҳасан Ўткирович Раҳматов
Хорижий мамлакатларда кредиторлар кредит бюро-
лари тармоқлари ёрдамида алмашадиган ахборотлар 
ҳажми анча йирик ҳисобланади. Масалан, АҚШ, Бельгия, 
Бразилия, Буюк Британия, Япония ва Германияда тақдим 
этилаётган ҳисоботлар миқдори аҳоли сонидан ошади. 
Кредит ахбороти алмашинуви бўйича фаолиятнинг 
муҳимлиги шу даражадаки, унинг ривожланишини 
рағбатлантириш дунёнинг кўпгина мамлакатларида 
давлат органларининг доимий назоратида туради. Жаҳон 
молиявий иқтисодий инқирози давлат органига ўзининг 
ахборот базаси мавжуд бўлиши ниҳоятда зарурлигини 
кўрсатди. Сабаби ташқи аудиторлик ташкилотларининг 
хулосалари, рейтинг агентликларининг баҳолари кредит 
бюроларининг ахбороти муайян бизнес субъектининг 
ҳақиқий аҳволини доим ҳам тўғри акс эттиравермаслиги 
аён бўлди. 
Шунинг учун кредит ахборотининг давлат реестри 
тимсолида иштирок этувчи давлат мувофиқлаштирув-
чи органининг молия-кредит муассасаларидаги вазият 
тўғрисида тезкор ва ҳаққоний ахборотга эга бўлиши ўта 
зарурдир.
Кредит бюроларининг кўплигига қарамай, ахборот 
хизматларини тақдим этиш соҳасида капиталнинг жам-
ланиш даражаси анча юқори. Масалан, АҚШ, Буюк Бри-
тания ва Японияда ахборотнинг барча мажмуасини тақ-
дим этувчи икки-учта йирик кредит бюроси устунлик 
мавқеига эга. Бразилия, Финляндия ва Ирландия каби 
давлатларда эса фақат битта шундай универсал кредит 
бюроси фаолият кўрсатади. Бошқалари алоҳида турда-
ги ахборотларни тақдим этган ҳолда, асосан, бозорнинг 
кичик бўшлиқларини эгаллайди. Бу йирик компания ўз 
маълумотлар базасида максимал ҳажмдаги ишончли ва 
тўлиқ ахборотни жамлаши, шунингдек, ўз фаолиятида 
энг илғор ахборот технологияларидан фойдалана оли-
ши мумкинлиги билан изоҳланади. Австрия, Аргентина, 

---