Ўзбекистон республикаси автомобиль йўллари қЎмитаси тошкент автомобиль йўлларини лойиҳалаш, Қуриш ва эксплуатацияси институти

1-амалий иш
Мавзу: Қурилиш ишларини бажариш муддатларини ва иш куламини аниқлаш
Ишдан мақсад: Аэродром қурилишида ер ишлари, асос ва қопламаларни иш ҳажми ва эҳтиёжини аниқлашни, қурилиш ишларини бажариш муддатларини ва пудрат суратини аниқлашни ўргатишдан иборат
Назарий қисм
Ишлар бажарилиши муддатлари ва пудрат суръатини аниқлаш
Аэродром қопламаларини қуришда ишларни бажариш муддати амалий ишларни бажариш жараёнида кўрсатилган қурилишнинг директив муддатига асосан аниқланади. Қурилишнинг директив муддатига биноан қурилиш мавсулининг бошланиши, якуни ва давомийлиги, қопламалар конструкцияларини қурувчи ихтисослашган пудратлар ишлари бошланиш ва якунлаш пайтлари, ҳамда ишчи жараёнларни бажаришда банд бўлиб турган бир қисм (хусусий) пудратлар давомийлиги аниқланади. Бунда, сунъий қопламанинг қурилишидаги ихтисослашган (цементобетон ёки асфальтобетонли) етакчи ҳисобланади.
Аэродромда қопламани қуришда бажарилган ишларга сарфланган давр ҳавонинг ҳароратига қараб қабул қилинади.
Лойиҳа техник-вазифасида кўрсатилган қурилиш ҳудудига қараб аэродром иқлими зонаси ҚМҚ 2.05.08.-07, ҳавонинг ўртача ойлик ҳарорати ҚМҚ 2.01-85, ноқулай об-ҳаво кунлари сони 1- жадвалга асосан аниқланади.
1-жадвал.

Иқлим зонаси	Об-ҳаво ноқулай кунлар, %
1 зона	11
2 зона	8
3	5
4/5	4/3
Тоғлар ва тоғ этаклари	7
Қора денгиз бўйи	9

Ўртача ойлик ҳароратга қараб режа (график) тузилади ва қурилиш мавсуми ҳамда унинг давомийлиги (Т_қур.) нинг бошланиш ва якуни саналари белгиланади.
Қурилиш муддати аэродромнинг жойлашувига, табиий об-ҳаво шароитига, гидрогеологик, грунт турига, ер ости сувлари шароитларига ва аэродром қурилиши техникасининг имкониятларига боғлиқ равишда аниқланади.
Аэродром тўшамасини қуриш ишлари баҳорда ҳаво ҳарорати +5 дан, кузда +10 гача бўлган даврда олиб борилади.