Ўзбекистон республикаси алоқа ва ахборотлаштириш агентлиги

S = 1 да схема юқорисидаги И элементлар очилади, ахборот ўнг тарафга силжитилади.
S
Т₃ дан
 = 0 да схема пастидаги И элементлар очилади, ахборот чап тарафга силжитилади.




5.2-расм. Бир фазали силжитувчи регистр схемаси (а), шартли белгиланиши (б), ишлашининг вақт диаграммаси (в)

5.1 жадвал

Хона номери	Q0	Q1	Q2	Q3
1 такт	1 → 0	0 → 1	1 → 0	1 → 1
2 такт	0 → 0	1 → 0	0 → 1	1 → 0
3 такт	0 → 0	0 → 0	1 → 0	0 → 1

Кир

5.3-расм. Реверсив силжитувчи регистр схемаси

Силжитувчи регистрларда фақат икки поғонали триггерлар ишлатилади. Бу ҳар бир синхросигнал бўйича ахборотни қатъий бир хонага силжитишни кафолатлайди. Бошқа триггерлар ишлатилса силжитиш жараёнини бошқариб бўлмайди ва битта синхросигнал бўйича ахборот бир неча хонага силжиши мумкин.

Битта кириш йўли ва фақат битта чиқиш йўли ишлатилувчи силжитувчи регистрга иккили сўз кетма-кет киритилади ва кетма-кет чиқарилади. Бунда рақамли қурилмалардаги шиналар хоналилиги камайсада, тезкорлик пасаяди.
Сонни киритиш ёки чиқариш учун n-хонали регистрда синхросигналлар сони триггерлар сонига тенг бўлиши лозим. 5.2-расмда ҳар бир триггер ўзининг чиқиш йўлига эга. n-хонали регистрга n-такт мобайнида кетма-кет ёзилган сонни барча хона триггерлари чиқиш йўлларидан бир вақтда параллел шаклда олиш мумкин. Шу тариқа иккили кодни кетма-кет шаклдан параллел шаклга ўзгартириш амалга оширилади.
Силжитувчи регистрнинг ҳар бир триггери ёрдамчи комбинацион схема орқали ихтиёрий берилган ҳолатга ўрнатувчи кириш йўллари билан таъминланиши мумкин. Бу сонларнинг параллел шаклда қабул қилинишига имкон беради. Қабул қилинган иккили сонни n-та синхросигнал ёрдамида регистрнинг катта хонасининг чиқиш йўлидан кетма-кет шаклда олиш мумкин. Шу тариқа параллел кодни кетма-кет кодга ўзгартириш амалга оширилади.
Регистрлар юқорида қайд этилган асосий вазифаларидан ташқари бошқа вазифаларни ҳам бажараолади. Улар асосида берилган такт сонига кечиктирувчилар, тўпловчи жамлагичлар, давомлилиги катта сигналларни шакллантиргичлар, псевдотасодифий кетма-кетлик генераторлари қурилади. Регистрлар арифметик-мантиқий қурилмаларда турли мантиқий амалларни бажарувчи узеллар сифатида ишлатилади.