Ўзбекистон Республикаси алоқа ва ахборотлаштириш агентлиги

14-Мавзу.

Техника хавфсизлиги ва меҳнатни муҳафаза қилиш юзасидан Ўзбекистон Республикаси қарорлари, меъёрлари ва мезонлари

Режа
1. Ўзбекистон Республикаси ишлаб чиқарилган меъёрий ҳужжатлар ҳақида умумий маълумот.
2. Меъзонларнинг турлари.
3. Мехнат қонунини бузганлиги учун жавобгарлик турлари.
Таянч иборалар: Қонунлар, (1994 йил 9-апрель, 1996 йил 4- март), Гост, ост, РСЖ, СТП, СЭБ ,ФВВ, 1993 йил, МХМТ, ХИХ, ХИК, ССББ, мезон, жавобгарлик, турлари. меъёр.

1. Ўзбекистон Республикасида ишлаб чиқарилган меъёрий хужжатлар ҳақида умумий маълумот.

Мамлакат фуқаролари муҳофазасини ривожлантиришнинг асосий концепцияси Ўзбекистон Республикаси Президенти И.А.Каримовнинг 1994 йил 9 апрелдаги Тошкент шаҳрида бўлиб ўтган Республика анжуманида сўзлаган нутқида баён этилган ва Ўзбекистон Республикаси Президентининг 1996 йил 4 мартдаги фармонига биноан аҳолини ва халқ хўжалиги иншоатларини табиий офатлардан муҳофаза қилишнинг самарали тизимини ташкил қилишдир.
Республикада табиий ва техноген хусусиятли фавқулодда вазиятларнинг олдини олиш ва оқибатларни бартараф этиш мақсадида Ўзбекистон Республикаси Мудофаа вазирлигининг фуқаро мудофаси ва фавқулодда вазиятлар бошқармаси негизида Ўзбекистон Республикаси фавқулодда вазиятлар вазирлиги (ФВ) ташкил қилинди. Фавқулодда вазиятлар масаласида Ўзбекистон Республикасининг «Аҳоли ва худудларни табиий ҳамда техноген хусусиятли фавқулотда вазиятлардан муҳофаза қилиш тўғрисида» (1999 йил) «Фуқаро муҳофазаси тўғрисидаги» (2000 йил) қонунлар, Республика Президентнинг икки фармони, Вазирлар Маҳкамасининг 30 дан ортиқ қарор ва фармойишларини айтиш мумкин, 1993 йил 6 май куни Ўзбекистон Республикасининг Президенти И.Каримов томонидан «Меҳнатни муҳофаза қилиш» қонуни 1995 йил 21 декабрда тасдиқланди.
«Меҳнат қонунлари талаблари, илғор мухандис техник ходимлар тажрибасига таянган холда амалга оширилади. Хавфсиз меҳнат шароитини яратишга қаратилган тадбир чоралари ичида хавфсизликни мезонлаштириш марказий масалалардан ҳисобланади. Кейинги вақтларда ҳамма сохаларда меҳнат
хавфсизлиги меъзонлари тизими, (МХМТ ССБТ) ни тузиш ва жорий қилишга катта эътибор берилмокда. Бундан мақсад ишлаб чиқаришда содир бўладиган бахтсизликларни олдини олиш ва меҳнат муҳофазасига таъллуқли бўлган меъёрий ҳужжатлар ва хавфсизлик қонунларини тартибга солишдир.