Zbekiston respublikasi aksiyadorlik tijorat xalq banki

Ўзбекистон Республикаси Вазирлар Маҳкамасига

“2019 йил 19 апрелдаги 24-11-4-сонли топшириқ ижроси бўйича”

АТ Халқ банки Бошқаруви ушбу орқали, Вазирлар Маҳкамаси Аппарати томонидан 2018-2019 йиллар давомида олий ва юқори даражадаги ташрифлар доирасида тасдиқланган “йўл хариталари”да белгиланган топшириқларнинг ижроси таҳлили бўйича банк тизимига юклатилган вазифаларнинг ижросини таъминлаш юзасидан қатъий назорат ўрнатилганлигини ҳамда амалга оширилган ишлар юзасидан мунтазам равишда Вазирлар Маҳкамасига маълумот тақдим этиб борилишини маълум қиламиз.

Бошқарув Раисининг
биринчи ўринбосари Т.Рахмонов

Ижрочи: Ё.Кўчқоров
Тел:[phone]

Ўзбекистон Республикаси Савдо-саноат палатасига “2019 йил 3 апрелдаги 7/АИ-17-4183-сонли хатга жавобан”

Ўзбекистон Республикаси Президентининг 2019 йил 12-13 март кунлари Навоий вилоятига ташрифида берган топшириқлари ҳамда кенгайтирилган тарзда ўтказилган 11-сонли мажлис баёнида Халқ банкига бир қатор вазифалар юклатилган.Жумладан,

• 
  32-банд ижроси бўйича, 2019-2020 йилларда Халқ банки томонидан саноат, хизмат кўрсатиш ва қишлоқ хўжалиги соҳаларини ривожлантириш бўйича умумий қиймати 142,4 млрд.сўм бўлган жами 45 та лойиҳалар амалга оширилиши ва уларга 83,0 млрд.сўм миқдорида кредит маблағлари ажратиш режалаштирилган. Шундан,
  

Саноат йўналишида 17 та лойиҳа 36,8 млрд.сўм;
Хизмат кўрсатиш 12 та лойиҳа 10,1 млрд.сўм;
Қишлоқ хўжалиги 16 та лойиҳа 36,0 млрд.сўм;
Бугунги кунда 32 та лойиҳага 47,1 млрд.сўм миқдорида кредит маблағлари ажратилди. Молиялаштириш ишлар давом этмоқда.
61-банд ижроси бўйича, Конимех туманидаги "Қоракўл Жозибаси" ШК базасида қўй ва қоракўл терисини қайта ишлаш лойиҳасини молиялаштириш мақсадида банк томонидан 800,0 млн.сўмга кредит линияси очилди ва дастлабки босқичда қурилиш ишларига 200,0 млн.сўм миқдорида кредит маблағи ажратилди. Молиялаштириш ишлар давом этмоқда.

• 
  114-банд ижроси бўйича, бугунги кунда ҳудудларда тадбиркорлик фаолияти билан шуғулланиш истагида бўлган хотин-қизлар ўрганиб чиқилмоқда ва рўйхати шакллантирилмоқда. Мазкур тадбиркорларга Хотин-қизлар ва оилани қўллаб-қувватлаш жамоат фонди маблағлари ҳисобидан имтиёзли кредит маблағлари ажратиш кўзда тутилган.