Õzbеkistоn rеspublikаsi ахbоrоt tехnоlоgiyаlаri vа kоmmunikаtsiyаlаrini rivоjlаntirish vаzirligi

Antenna maketi

Antenna maketi õzida ikkita panelli antennani mujassamlashtirgan bõlib, har bir panel tõrttadan nurlatuvchi elementdan iborat bõlgan ikkita chiziqli antenna panjarasidan tashkil topgan.
Sinfaz panelli antenna sifatida ikkita bog’liq simmetrik tebragich, hamda yassi yahlit metall ekran va metall panjara kombinasiyasi kõrinishidagi reflektordan tashkil topgan panjara tadqiq etiladi (6.7-rasm). Panjaraning barcha elementlari bir hil uzunlikdagi fiderlar yordamida umumiy fider manbasidan ta’minlanuvchi “archa” ulanish tizimi asosida sinfaz qõzg’atiladi.

6.7-rasm. Sinfaz panelli antenna

Fazalangan panelli antenna sifatida elementlari õzaro yelpig’ich shaklidagi simmetrik tebratgichlardan tashkil topgan panjara tadqiq etiladi. Bunda panjara tebratgichlari umumiy fider manbasidan ta’minlanuvchi koaksial fiderlar va faza õzgartirgichli polosali liniyalardan tashkil topgan taqsimlovchi tizim orqali qõzg’atiladi (6.8-rasm).

a) b)

6.8.-rasm. Fazalangan panelli antenna: a-oldidan kõrinishi; b-orqadan kõrinishi


6.5. Sinfaz panelli antennani tadqiq etish uchun mõljallangan laboratoriya qurilmasining tavsifi
Qurilma antennani aylantirish usuli orqali yõnalganlik diagrammasini õlchash uchun mõljallangan. Qurilmaning struktura sxemasi 6.9-rasmda keltirilgan.

6.9 -rasm. Laboratoriya qurilmasining struktura sxemasi

Uzatuvchi antenna (3) qõzg’almas, qabul qiluvchi antenna (4) mahsus aylanuvchi dastakka maxkamlangan bõlib, u antennani gorizontal tekislikda burilish burchagini aniqlash va õrnatish (fiksasiyalash) imkonini beradi. Uzatuvchi antenna õzida generator (1) yordamida koaksial fiderlar (2) orqali qõzg’atiluvchi sinfaz panelli antennani mujassamlashtirgan. Qabul qiluvchi antenna koaksial fider orqali CH2-8 rezonans tõlqin õlchagichga ulangan (5). Tõlqin õlchagichning strelkali indikatori antenna chiqishidagi kuchlanishga proporsional bõlgan qiymatni kõrsatadi.