Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

18-мавзу: Интеграцион тестлаш
(Integration testing)
Режа: 
1.
Интергацион тестлашнинг мақсад ва вазифалари; 
2.
Интеграцион тестлашни ташкил қилиш 

юқорига йўналтирилган тестлаш; 

монолит тестлаш; 

қуйига йўналтирилган тестлаш. 
Интеграцион тестлашнинг мақсад ва вазифалари
Дастурий тизимни ташкил этувчи модулларни алоҳида тестлаш ва верификация 
қилишдан мақсад мазкур модуллар қўйилган талабларга мослиги ҳамда улар ички 
зиддиятларга эга эмаслигини аниқлашдан иборат. Гарчи дастурий тизимни ташкил этувчи 
модуллар алоҳида-алоҳида қаралганда уларга қўйилган талабларни қаноатлантирсада, улар 
биргаликда, яъни яхлит кўринишда қаралганда кутилган натижани бермаслиги мумкин. 
Бундай ҳолатларни олдини олиш учун ишлаб чиқилган ва модулли тестлашдан ўтказилган 
модулларни яхлит тизим кўринишида бирлаштириб, улар орасидаги ўзаробоғлиқликлар 
тўғри амалга оширилганлигини текшириш зарур бўлади. Агар 
модуллар орасидаги 
боғлиқликларни корректлигини тестлаш
орқали амалга оширадиган бўлсак, у ҳолда 
бундай тестлашни 
интеграцион тестлаш
деб аталади. Демак, 
интеграцион тестлашнинг 
мақсади
тизим компонентларини биргаликда тўғри ишлашига ишонч ҳосил қилишдан 
иборат бўлиб, боғлиқликларни ишлаб чиқишдаги нуқсонларни аниқлашдан иборат.
Интеграцион тестлашни баъзан
тизим архитектурасини тестлаш
деб ҳам 
аташади. Бунга сабаб:

биринчидан,
интеграцион 
тестлаш 
тизим 
архитектурасида 
аниқланадиган барча дастурий модуллар ва элементлар орасидаги мумкин бўлган 
ўзаробоғланишларни (алоқаларни) текширишни ўз ичига қамраб олади. Шундай 
қилиб, интеграцион тестлар тизимдаги ўзаробоғлиқликлар тўлалигини текширади.

иккинчидан,
интеграцион тестлашни ўтказиш натижалари тизим 
архитектурасини, модуллар ҳамда компонентлар ўртасидаги интерфейсларни 
яхшилаш ва уларга аниқлик киритиш жараёни учун энг асосий ахборот манбаларидан 
бири бўлиб ҳисобланади. Яъни, бу маънода қараганда интеграцион тестлар тизим 
компонентлари орасидаги ўзаробоғланишларни корректлигини текширади. 
Интеграцион тестлаш ўтказиш ва барча аниқланган нуқсонларни бартараф этиш 
натижасида дастурий тизимнинг келишилган ва яхлит архитектураси ҳосил бўлади, яъни 
интеграцион тестлашни тизим архитектураси ва қуйибосқичли функционал талабларни 
тестлаш деб ҳисоблаш мумкин.