Ўзбекистон Республикаси Адлия вазирлигида 2004 йил 17 декабрда 1434-сон

X. АСОСИЙ ВОСИТАЛАРНИ ИНВЕНТАРЛАШ

62. Асосий воситаларнинг ҳақиқатда мавжудлиги ва уларнинг бутлигини назорат қилиш мақсадида банк томонидан вақти-вақти билан, бироқ йилда камида бир марта асосий воситаларни инвентарлаш ўтказилади. Инвентарлашни ўтказиш тартиби банк раҳбарияти томонидан белгиланади.

63. Инвентарлашда аниқланган ортиқча асосий воситалар балансга баҳоланган қиймати бўйича қуйидаги тарзда кирим қилинади:

1) Дт 165** - Асосий воситаларнинг тегишли ҳисобварағи;

Кт 45994 - "Бошқа фоизсиз даромадлар";

2) агар омборга кирим қилинса:

Дт 16561 - "Омбордаги асосий воситалар";
Кт 45994 - "Бошқа фоизсиз даромадлар".

64. Банк ходимининг айбига кўра яроқсиз ҳолга келган асосий воситаларнинг қиймати ёки камомад аниқланганда ушбу асосий воситаларнинг қиймати қонунчиликда белгиланган тартибда айбдор ва моддий-жавобгар шахслардан ундирилади. Зарар миқдори, банк мулкига еткашилган зарар учун ходимнинг моддий жавобгарлиги чегаралари ва тартиби Ўзбекистон Республикаси меҳнат қонунчилигига мувофиқ белгиланади. Бунда қуйидаги ёзув расмийлаштирилади:

1) жамланган эскириш суммасига:

Дт 165** -	Жамланган эскириш - Асосий воситаларнинг тегишли ҳисобварағи;
Кт 165**-	Асосий воситаларнинг тегишли ҳисобварағи;

2) агар унидирилиши лозим бўлган сумма автивнинг қолдиқ қийматидан катта бўлса:

Дт 19908 -	"Банк ходимлари билан ҳисоб-китоблардаги олиниши лозим бўлган маблағлар" - айбдор шахслардан ундирилиши лозим бўлган қийматга;
Кт 165** -	Асосий воситаларнинг тегишли ҳисобварағи - қолдиқ қиймати; ва/ёки
Кт 45994 -	"Бошқа фоизсиз даромадлар" - активнинг ундирилиши лозим бўлган ва қолдиқ қиймати ўртасидаги фарқ суммасига;

3) агар унидирилиши лозим бўлган сумма автивнинг қолдиқ қийматидан кичик бўлса:

Дт 19908 -	"Банк ходимлари билан ҳисоб-китоблардаги олиниши лозим бўлган маблағлар" -ундирилиши лозим бўлган сумма;
Дт 55995 -	"Бошқа фоизсиз харажатлар" - активнинг қолдиқ қиймати ва ундирилиши лозим бўлган сумма ўртасидаги фарқ;
Кт 165** -	Асосий воситаларнинг тегишли ҳисобварағи - қолдиқ қиймати; ва/ёки

4) маблағлар ундирилганда:

Дт 10101 -	"Айланма кассадаги нақд пуллар" ва/ёки (АВ 15.11.2010 й. 1434-1-сон билан рўйхатга олинган МБ Бошқарувининг Қарори таҳриридаги хатбоши)
Дт 29803 -	"Банк ходимлари билан ҳисоб-китоблардаги тўланиши лозим бўлган маблағлар " (ходимнинг иш ҳақидан ушлаб қолиш);
Кт 19908 -	"Банк ходимлари билан ҳисоб-китоблардаги олиниши лозим бўлган маблағлар".

65. Фойдаланишдаги ва омбордаги асосий воситаларнинг сақланишини назорат қилиш тизимдан ташқари равишда (журналлар, варақачаларда, дастурий йўл билан) амалга оширилиши мумкин.