Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. РУХСАТ БЕРИШ ТАРТИБ-ТАОМИЛЛАРИДАН ЎТИШ ТАРТИБИ ТЎҒРИСИДАГИ НИЗОМЛАРНИ ТАСДИҚЛАШ

1. Рухсат бериш тартиб-таомилларидан ўтиш тартиби тўғрисидаги низомлар Ўзбекистон Республикаси Вазирлар Маҳкамаси томонидан тасдиқланади

Ушбу қўлланманинг 6-бобида таъкидлаб ўтилганидек, Қонуннинг 12-мод- дасига мувофиқ Ўзбекистон Республикасининг Вазирлар Маҳкамаси рух- сат бериш тартиб-таомилларидан ўтиш тартиби тўғрисидаги низомларни тасдиқлайди.

2. Рухсат бериш тартиб-таомилларидан ўтиш тартиби тўғрисидаги низомларнинг мазмуни

Қонуннинг 16-моддасида мазкур низомда кўрсатилиши кераклиги аниқ тартибга солинган. Рухсат бериш тартиб-таомилларидан ўтиш тартиби тўғри- сидаги низомларда қуйидагилар кўрсатилиши керак:

1. 
   рухсат этиш хусусиятига эга ҳужжатнинг ва уни бериш зиммасига юклатилган ваколатли органнинг номи;
   
2. 
   рухсат этиш хусусиятига эга ҳужжатни бериш мақсади;
   
3. 
   рухсат этиш хусусиятига эга ҳужжатни олиш учун тақдим этиладиган ҳужжатларнинг тугал рўйхати;
   
4. 
   тадбиркорлик субъектининг рухсат этиш хусусиятига эга ҳужжатни бериш тўғрисидаги аризасини кўриб чиқиш, ҳужжатни бериш ёки уни беришни рад этиш тартиби ва муддатлари, шу жумладан, агар рухсат этиш хусусиятига эга ҳужжатни бериш танлов (тендер) асосида амалга оширилаётган бўлса, мазкур ҳужжатни бериш учун танлов (тендер) ўтказиш тартиби;
   
5. 
   рухсат беришга доир талаблар ва шартлар;
   
6. 
   рухсат этиш хусусиятига эга зарур ҳужжатларни “бир дарча” орқали беришда ваколатли органларнинг бошқа ваколатли органлар билан ўзаро ҳамкорлигининг тартиби;
   
7. 
   рухсат этиш хусусиятига эга ҳужжатнинг амал қилиш муддатини узай- тириш, тўхтатиб туриш, қайта тиклаш, тугатиш, мазкур ҳужжатни қайта расмийлаштириш ва бекор қилиш тартиби;
   
8. 
   агар тадбиркорлик субъекти томонидан ҳаракатларни бажариш ва (ёки) муайян фаолиятни амалга ошириш имкониятини аниқлаш учун зарурият бўлса, рухсат бериш тартиб-таомили доирасида ваколатли орган ёки жалб қилинган учинчи шахс томонидан ўтказиладиган ўрганишлар, тадқиқотлар, текширишларнинг ёки бошқа илмий ва техник баҳолашларнинг тугал рўйхати;
   
9. 
   рухсат этиш хусусиятига эга ҳужжатнинг шакли;
   
10. 
    рухсат этиш хусусиятига эга тегишли ҳужжат чекланмаган муддатга берилиши мумкин бўлмаган ҳолларда, рухсат этиш хусусиятига эга ҳужжат- нинг амал қилиш муддати.
    

Қонуннинг 16-моддасида кўрсатилган маълумотлар рўйхати тугал санал- майди, мазкур модданинг учинчи қисмига мувофиқ Рухсат бериш тартиб-та- омилларидан ўтиш тартиби тўғрисидаги низомларда ушбу Қонунга мувофиқ бошқа нормалар ҳам кўрсатилиши мумкин.
Низомларнинг тузилиши Қонуннинг 16-моддасига мувофиқ барча маъ- лумотлар Рухсат бериш тартиб-таомилларидан ўтиш тартиби тўғрисидаги низомларда имкони борича батафсилроқ ифодаланиши керак. Тадбиркор- лик субъектларининг рухсат бериш тартиб-таомилларидан ўтиш тартиби тўғрисидаги низомларнинг лойиҳасини ишлаб чиқишда ёрдам бериш ҳамда уларни тайёрлашда бир хил ёндашувни таъминлаш мақсадида рухсат этиш хусусиятига эга ҳужжатларни беришга ваколатли органларга Қонуннинг 16-моддасида назарда тутилган асосий талабларни ўз ичига олувчи Рухсат этиш хусусиятига эга ҳужжатларни бериш тартиби тўғрисидаги намунавий низомдан фойдаланиш учун тақдим қилинди.

1. 
   Рухсат этиш хусусиятига эга ҳужжатнинг ва уни бериш зиммасига юклатилган ваколатли органнинг номи
   

Рухсат этиш хусусиятига эга ҳужжатнинг ва уни бериш зиммасига юклатилган ваколатли органнинг номи Вазирлар Маҳкамасининг 2013 йил 15 августдаги қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатида белгиланган.

2.