Ўзбекистон республикаси адлия вазирлиги

Otalik faktini belgilashga doir shartlar quyidagilardan iborat:
♦ bolaning onasi bilan o‘zini bolaning otasi deb tan olgan shaxs o‘rtasida FHDYo organlarida qayd etilgan nikohning mavjud emasligi;
♦ bolaning onasi bilan nikohda bo‘lmagan, lekin o‘zini bolaning otasi deb tan olgan shaxsning vafot etganligi;
♦ bolaning onasi bilan nikohda bo‘lmagan, lekin o‘zini bolaning otasi deb tan olgan shaxsning bola tug‘ilishiga qadar birga yashaganligi va umumiy ro‘zg‘or yuritgan bo‘lishi yoki ular bolani birgalikda tarbiyalaganliklari yoxud ta’minlab turganligi yoki otalikni tan olganlikni tasdiqlovchi boshqa dalillarning bo‘lishi shartligi (O‘zbekiston Respublikasi Oila kodeksining 62-moddasi);
♦ bolaning 1968-yil 1-oktabrdan keyin tug‘ilgan bo‘lishi.
Hozirgi vaqtda 1968-yil 1-oktabrgacha tug‘ilgan bolalarning hammasi voyaga yetganligi sababli bunday ishlarning deyarli kam uchrashi kuzatilmoqda. Shunga qaramasdan, hozirda ham amaliyotda otalikni tan olish va otalik faktini belgilashda bolaning 1968-yil
1-oktabrgacha yoki undan keyin tug‘ilgan bo‘lishi asosiy shartlardan biri ekanligiga sudlar tomonidan e’tibor berilmoqda.
Alohida ish yuritish tartibida otalikni belgilash uchun sudga murojaat qilish maqsadlarini umumiy va maxsus turlarga bo‘lish mumkin.