Ўзбекистон республикаси адлия вазирлиги

Aliment undirishning majburiy shakli sud tomonidan amalga oshiriladigan harakat bo‘lib, bu o‘z navbatida qonunda ko‘rsatilgan aliment majburiyatlariga doir normalar buzilganda yoki o‘sha majburiyatlar aliment to‘lovchi tomonidan bajarilmaganda tegishli mablag‘ sud tartibida aliment to‘lovchidan majburiy tartibda undiriladi. Sud tartibida aliment undirishga buyruq tartibida hamda sudning hal qiluv qaroriga asosan yo‘l qo‘yiladi. Aliment undirish yuzasidan sudga da’vo arizasi bilan ota-onadan biri yoki aliment olish huquqiga ega bo‘lgan boshqa subyektlar, shuningdek prokuror, vasiylik va homiylik organi murojaat qilishga haqli.
Oila kodeksining 142-moddasiga ko‘ra, aliment o‘z vaqtida to‘lanmaganligi uchun aliment to‘lovchiga nisbatan javobgarlik belgilangan. Aliment to‘lashdan qasddan bosh tortish o‘z oqibatlariga ko‘ra, aliment to‘lovchini ota-onalik huquqidan mahrum qilishga (Oila kodeksining 79, 116-moddasi), aliment to‘lovchini jinoiy javobgarlikka tortishga asos bo‘ladi (Jinoyat kodeksining 122-moddasi).
Voyaga yetmagan bolalar ta’minoti uchun olingan mablag‘, pensiya, nafaqa, uning otasi yoki onasi tasarrufida bo‘lib, bolaning ta’minoti, tarbiyasi va ta’lim olishi uchun sarflanishi kerak”.