Ўзбекистон республикаси адлия вазирлиги

NAZORAT SAVOLLARI:
1. Hakamlik sudlarida nizolarni ko‘rishning ahamiyati va afzalliklari haqida gapiring?
2. Hakamlik sudining hal qiluv qarorini bekor qilish asoslarini aytib bering?
3. Hakamlik sudining hal qiluv qarorini bekor qilishning o‘ziga xos jihatlari?
4. Hakamlik sudining hal qiluv qarorini majburiy ijro etish deganda nimani tushunasiz?
5. Hakamlik sudining hal qiluv qarorini majburiy ijro etishda ijro varaqasining ahamiyati nimada?
1-kazus
Tadbirkor S.Umarov hakamlik sudiga da’vo arizasi taqdim etgan. Da’vogar da’vo arizasi bilan birga da’voni ta’minlash to‘g‘risida iltimosnoma kiritib, javobgarning egaligida mavjud bo‘lgan
mol-mulklarning sud tomonidan nizo ko‘rib chiqilgunga qadar uni xatlab qo‘yilishi lozimligini ko‘rsatib o‘tgan. Hakamlik sudi da’voni ta’minlash choralarini qo‘llash to‘g‘risida ajrim chiqargan. Javobgar hakamlik sudining mazkur ajrimi ustidan vakolatli sudga shikoyat kiritdi. Vakolatli sud arizani ish yurituviga qabul qilib arizani ko‘rib chiqish uchun sud majlisi tayinladi.
Savol: 1. Hakamlik sudining da’voni ta’minlash to‘g‘risidagi ajrimi ustidan shikoyat qilish tartibini tushuntiring? 2. Da’voni ta’minlash bilan dalilni ta’minlash o‘rtasidagi farqlarni tushuntiring?


2-kazus
Tadbirkor V.Soliyev va tadbirkor S.Jumanovlar o‘rtasida shartnoma shartlari asosida kelib chiqqan nizo bo‘yicha hakamlik sudiga da’vo arizasi taqdim etilgan. Doimiy faoliyat ko‘rsatuvchi hakamlik sudining binosi kapital ta’mirlanayotganligi sababli nizoni ko‘rish uchun hakamlik sudi tadbirkor S.Jumanovning joylashgan binosida vaqtincha foydalanib, nizoni ko‘rib chiqib hal qiluv qarori chiqaradi. Da’vogar V.Soliyev hakamlik sudining hal qiluv qaroridan norozi bo‘lib, hakamlik sudi javobgar S.Jumanovning joylashgan binosida vaqtincha foydalanib, unga moddiy bog‘langan deb hisoblab S.Jumanov manfaatida chiqarilgan hal qiluv qarorini noqonuniy hisoblashni so‘raydi.