Ўзбекистон республикаси адлия вазирлиги

10.3. Hal qiluv qarorining mazmuni

Sudning hal qiluv qarori protsessual hujjat sifatida aniq va ravshan ifodalangan quyidagi to‘rt qismdan:

Har bir qism o‘zining matni va mazmuniga ega bo‘lib, ular birgalikda sud hal qiluv qarorini tashkil qiladi. Shuning uchun hal qiluv qarorini yozishda sudlar FPKning 253-moddasi bilan belgilangan birin-ketinlikka rioya qilishlari talab etiladi.

Hal qiluv qarorining kirish qismi. Sud hal qiluv qarori chiqarilayotgan qarorning nomi, ya’ni “Hal qiluv qarori” degan yozuv bilan boshlanadi. Kirish qismida sud hal qiluv qarorini O‘zbekiston Respublikasi nomidan chiqarishi albatta ko‘rsatilishi shart.
Hal qiluv qarorining kirish qismida, shuningdek quyidagilar ko‘rsatilishi talab etiladi:
hal qiluv qarorining chiqarilgan vaqti va joyi;
hal qiluv qarori chiqargan sudning nomi;
sudyaning familiyasi (sud tarkibi), sud majlisining kotibi;
taraflar, ishda ishtirok etuvchi boshqa shaxslar;
nizo predmeti.