Zbekiston respublikasi adliya vazirligi toshkent davlat yuridik universiteti

Falsafa fani bilan bog‘liqligi. Falsafa tabiat va jamiyat rivojlanishining umumiy qonuniyatlarini o‘rganadi. U jamiyat, shaxs, davlat va huquq masalalariga ijtimoiy hodisa sifatida yondashadi va ularni umumiy tarzda ko‘rib chiqadi.
Davlat va huquq nazariyasi esa falsafa qonuniyatlariga tayangan holda jamiyatda davlat va huquqning vujudga kelishi va rivojlanishi qonuniyatlarini o‘rganadi. Ushbu fanlar bir-birini takrorlamaydi, balki to‘ldiradi. Falsafa davlat va huquq hodisalarini bilishning asosidir. Davlat va huquq nazariyasi esa falsafani ushbu hodisalarga oid muayyan qonuniyatlar bilan boyitadi.
Davlat va huquq nazariyasi falsafa fani bilan chuqur va mustahkam aloqadadir. Falsafiy dunyoqarash davlat va huquq nazariyasini kengroq o‘rganishga yordam beradi. Dialektik nuqtai nazardan dunyoni anglash davlat va huquqning ichki qarama-qarshiliklarini to‘g‘ri tushunish va baholashga yo‘l ochadi hamda ijtimoiy jarayonlarga ta'sir etishga yordam beradi.