Zbekiston respublikasi adliya vazirligi toshkent davlat yuridik universiteti

5-MAVZU. DAVLAT SHAKLLARI


Mavzuning asosiy yo‘nalishlari:

1. 
   Davlat shakli tushunchasi va uning tarkibiy elementlari.
   
2. 
   Davlat shakllarining rivojlanishi va o‘zgarishiga ta'sir etuvchi omillar.
   
3. 
   Davlatning boshqaruv shakllari: respublika va monarxiya.
   
4. 
   Davlatning tuzilish shakllari: unitar, federativ va konfederativ.
   
5. 
   Siyosiy rejim tushunchasi va turlari.
   
6. 
   O‘zbekiston Respublikasi davlat shaklining o‘ziga xos xususiyatlari.
   

5.1. DAVLAT SHAKLI TUSHUNCHASI

Davlat shakli – bu o‘z ichiga davlat boshqaruvi, davlat tuzilishi va siyosiy (davlat) rejimni qamrab oluvchi siyosiy hokimiyatni tashkil etish usullari yig‘indisidir.

Davlat shakli davlatning mohiyati bilan bevosita bog‘liqdir. Chunki davlat shakli tushunchasini o‘rganish orqali davlat hokimiyati qanday uyushtirilganligi, uning qaysi idoralar orqali amalga oshirilishi, ushbu idoralarning tashkil etilish tartibi, tuzilishi, o‘zaro munosabatlari, markaziy organlar bilan ma'muriy-hududiy birliklardagi mahalliy davlat organlari o‘rtasidagi o‘zaro munosabat, davlat hokimiyatining amalga oshirish usullari haqida ma'lumotlarga ega bo‘lish mumkin.