Zbekiston respublikasi adliya vazirligi toshkent davlat yuridik universiteti

2. Rag‘batlantirish choralari ijobiy xulq-atvorni yuridik jihatdan ma'qullaydi.
3. Rag‘batlantirish jamiyat uchun ham, rag‘batlantirilayotgan subyekt uchun ham foydali bo‘lib, ularni ijobiy oqibatlar bilan qanoatlantirgan holda turli manfaat­larni uyg‘unlashtiradi.
4. Rag‘batlantirish ta'sirchan yuridik vosita hisoblanadi.
Huquqiy rag‘batlantirish nazorat qiluvchi, da'vat etuvchi, axborot berish, kafolatlash, taqsimlash va tarbiyalash funksiyalarini bajaradi. Huquqiy rag‘batlantirishning nazorat funksiyasi shaxsning muayyan faoliyatini muvofiqlashtiradi, da'vat etish funksiyasi majburiyatlarni oshirib bajarishga va ijtimoiy foydali ijobiy harakatlar sodir etishga da'vat qiladi. Baholash funksiyasi yor­damida boshqaruvchi organ muayyan shaxsning taqdirlashga sazovor xulq-atvorini rasman ijobiy baholaydi, uni tan oladi va ma'qul­laydi, faoliyatning jamiyat uchun foydalilik darajasini aks etti­radi. Kafolatlash funksiyasi intizom va tartibni mustahkamlash uchun qulay shart-sharoit yaratishni nazarda tutsa, taqsimlash funksiyasi namunali xulq-atvor uchun rag‘batlantirish choralarini mustahkamlab, subyektlarning shaxsiy manfaatlarini ifodalovchi muayyan ne'matlardan foydalanish shartlarini ham belgilaydi. Tarbiyalash funk­siyasi shaxsda ijobiy ruhiy kayfiyat va qoniqish hissini uyg‘otadi, kishilarni tashabbuskorlikka, fidokorona mehnatga, ijodiy faoliyatga ruhlantiradi. Shunday qilib, rag‘batlantirish fuqarolarda huquqiy ong, yuksak huquqiy madaniyat va ma'naviy fazilatlar shakllanishiga ko‘maklashadi.
Shu o‘rinda rag‘batlantiruvchi sanksiyalar ko‘plab normativ-huquqiy hujjatlarda mustahkamlanganligini qayd etib o‘tish maqsadga muvofiq. Bunga O‘zbekiston Respublikasining Mehnat kodeksi (180-modda – Mehnat uchun rag‘batlantirish), O‘zbekiston Respublikasining Jinoyat-ijroiya kodeksi (102-modda – Rag‘batlantirish choralari) va boshqa normativ-huquqiy hujjatlar misol bo‘la oladi.