Zbekiston respublikasi adliya vazirligi toshkent davlat yuridik universiteti

17.4. HUQUQIY REJIMLAR (TARTIBLAR) TUSHUNCHASI, BELGILARI VA TURLARI

Bugungi kunda huquqiy rejim tushunchasi yuridik fan sohasida tobora mustahkam o‘ringa ega bo‘lmoqda. Huquqiy rejimni muayyan obyektning belgilangan holati, undan foydalanish, egalik qilish, tasarruf etish hamda tegishli sohada yuzaga keladigan munosabatlarning tartibi sifatida tavsiflash mumkin.

Y
Huquqiy rejim – davlat tomonidan huquq normalari ko‘rinishida o‘rnatiladigan huquqiy tartibga solishning maxsus usuli.
uqoridagi ta'rifdan ham ko‘rinib turibdiki, huquqiy rejim muayyan tartibning mavjudligi bilan bog‘liqdir. O‘z navbatida, tartib bir harakatdan keyin boshqa harakatni amalga oshirishning texnologik ketma-ketligini namoyon etadi.
Huquqiy rejimlar jamiyat hayotining muayyan sohasida yuzaga keladigan ijtimoiy munosabatlar guruhini barqaror normativ tartibga solishni ta'minlaydi hamda muayyan obyektlardan samarali foydalanishga ko‘maklashadi¹.
Har qanday huquqiy rejimning samarali faoliyati, birinchidan, mantiqiy asoslantirilgan, ikkinchidan, oldingi harakatdan keyin qonuniy va ketma-ketlik asosida harakat qilish zarurligini ko‘zda tutadi.