Zbekiston respublikasi adliya vazirligi toshkent davlat yuridik universiteti

Huquqbuzarlik subyekti – bu huquqqa zid aybli qilmishni sodir etgan shaxs, ya'ni huquqbuzardir. Har qanday shaxs ham huquqbuzarlik subyekti hisoblanmaydi, faqat o‘z qilmishiga javob bera oladigan, aqli raso shaxsgina shunday subyekt sifatida tan olinadi.
Huquqbuzarlikning subyektiv tomoni. Sodir qilingan qilmishiga nisbatan shaxsning ruhiy munosabati bo‘lib, uning zaruriy belgisi aybdir.
Ayb – huquqbuzarning huquqqa xilof xatti-harakatiga va uning ijtimoiy xavfli oqibatiga nisbatan qasd yoki ehtiyotsizlik ko‘rinishidagi munosabati.
Qasd – shaxsning huquqqa xilof xatti-harakatni sodir qilayotganida bu harakat (harakatsizlik)ning huquqqa xilofligini, ijtimoiy xavfliligini, uning oqibatini anglashi yoki tushunishi (to‘g‘ri qasd) yoki bu munosabatning ma'lum oqibatni keltirib chiqarishiga ongli ravishda yo‘l qo‘yishi (egri qasd).
Ehtiyotsizlik – shaxsning xatti-harakatlari natijasida kelib chiqishi mumkin bo‘lgan oqibatlarning oldini olishni nazarda tutib, beparvolik bilan o‘ziga o‘zi ishonib harakat (harakatsizlik) qilishi.