Zbekiston respublikasi adliya vazirligi toshkent davlat yuridik universiteti

Huquqni amalga oshirish subyektlariga ko‘ra quyidagi turlarga bo‘lish mumkin:

• 
  individual;
  
• 
  jamoa tomonidan.
  

Huquq normalariga rioya qilish. Huquq subyektlarining muayyan huquq normalariga rioya etishlari orqali taqiqlovchi normalar amalga oshiriladi. Huquq normalarini amalga oshirishning mazkur shakli mazmuni shundaki, bunda huquq subyekti qonunchilik bilan taqiqlangan harakatlarni sodir etishdan o‘zini tiyib turadi. Masalan, yo‘l harakati qoidalariga amal qilgan holda svetoforning qizil chirog‘idan o‘tmaslik.
Huquq normalarini bajarish. Huquqni amalga oshirishning ushbu shakli huquq subyektlaridan majburiy ko‘rsatmalarni hayotga joriy etish bi­lan bog‘liq faol harakatlarni talab qiladi. Masalan, fuqarolar qonun bilan belgilangan soliqlar va mahalliy yig‘imlarni to‘lashga majburdir.
Huquq normalaridan foydalanish. Huquqdan foydalanish huquq subyektlarining qonun hujjatlarida nazarda tutilgan huquqlarni amalga oshirishga qaratilgan faoliyatidir. Ayni paytda huquq subyektlari o‘zlarining irodasi bo‘yicha belgilangan huquqlardan ixtiyoriy ravishda foydalanadi. Masalan, fuqarolar kasaba uyushmalariga, siyosiy partiyalarga va boshqa jamoat birlashmalariga uyushish, ommaviy harakatlarda ishtirok etish huquqiga egadir.