Ўзбекистон республикаси адлия вазирлиги тошкент давлат юридик институти

Суд қарорларини ижро этиш 
одил судловнинг амалга 
оширилиши билан бевосита боғлиқ бўлган функциядир. Ўзбекистон 
Республикаси “Судлар тўғрисида”ги Қонунининг 5-моддасига кўра, 
суд ҳужжатлари барча давлат органлари, жамоат бирлашмалари, 
корхоналар, муассасалар ва ташкилотлар, мансабдор шахслар, 
фуқаролар учун мажбурийдир ҳамда Ўзбекистон Республикасининг 
бутун ҳудудида ижро этилиши шарт. Акс ҳолда суд ҳужжатларини 
бажармаслик нафақат суд ҳокимияти обрўсининг тушишига, балки 
инсон ва юридик шахсларнинг ҳуқуқ ва манфаатларини суд орқали 
ҳимоя қилиш институтининг “йўқга” чиқишига олиб келиши мумкин. 
Қонуний ва асослантирилган суд қарорларини эълон қилиш етарли 
эмас. Фуқаро ва юридик шахс учун уларнинг бузилган ҳуқуқларини 
тиклаган суд қарорининг фактик ижро этилиши энг муҳим масаладир. 
Мазкур функцияни амалга ошириш Ўзбекистон Республикаси Адлия 
вазирлиги ҳузуридаги Суд қарорларини ижро этиш, судлар 
фаолиятини моддий-техника жиҳатидан ва молиявий таъминлаш 
департаменти зиммасига юклатилган. Мазкур орган фаолиятининг 
ҳуқуқий асосини “Суд ҳужжатлари ва бошқа органлар ҳужжатларини 
ижро этиш тўғрисида”ги Қонун, Ўзбекистон Республикаси Адлия 
вазирлиги ҳузуридаги Суд қарорларини ижро этиш, судлар 
фаолиятини моддий-техника жиҳатидан ва молиявий таъминлаш 
департаменти тўғрисидаги Низом ва бошқа норматив-ҳуқуқий 
ҳужжатлар ташкил этадилар. 
Судларнинг фаолиятини ташкилий жиҳатдан таъминлаш – 
бу
 
судлов фаолияти, унинг кадр, ташкилий ва ресурс таъминоти учун 
зарур бўлган шарт-шароитларини яратиш бўйича тегишли чораларни 

---

21 
кўришга йўналтирилган ҳуқуқни муҳофаза қилиш фаолиятининг 
функциясидир. Ушбу функцияни амалга ошириш бир қатор органлар 
зиммасига юклатилган (Ўзбекистон Республикаси Президенти 
ҳузуридаги Судьяларни танлаш ва лавозимларга тавсия этиш бўйича 
олий малака комиссияси, Ўзбекистон Республикаси Адлия вазирлиги 
ҳузуридаги Суд қарорларини ижро этиш, судлар фаолиятини моддий-
техника жиҳатидан ва молиявий таъминлаш департаменти, Судлар ва 
адлия 
органларини 
ривожлантириш 
жамғармаси), 
уларнинг 
биргаликдаги ҳаракати натижасида мазкур функциянинг амалга 
оширилиши 
таъминланади. 
Кўрсатилган 
функция 
амалга 
оширилишининг ва уни амалга оширувчи органлар фаолиятининг 
ҳуқуқий асоси сифатида “Суд ҳужжатлари ва бошқа органлар 
ҳужжатларини ижро этиш тўғрисида”ги Қонун, Ўзбекистон 
Республикаси Президенти ҳузуридаги Судьяларни танлаш ва 
лавозимларга тавсия этиш бўйича олий малака комиссияси 
тўғрисидаги 
Низом, 
Ўзбекистон 
Республикаси 
Вазирлар 
Маҳкамасининг “Судлар ва адлия органларини ривожлантириш 
жамғармасини ташкил этиш тўғрисида”ги 147-сон қарори ва бошқа 
норматив-ҳуқуқий ҳужжатлар хизмат қиладилар.